ലോകത്ത് കഴിഞ്ഞ 24 മണിക്കൂറില്‍ കൊവിഡ് ബാധിച്ച് മരിച്ചത് 3,712 പേര്‍. ഇന്നലെ മാത്രം 1.94 ലക്ഷം പേര്‍ക്ക് കൂടി രോഗം സ്ഥിരീകരിച്ചു.ഇതോടെ ലോകത്തെ രോഗബാധിതരുടെ എണ്ണം 1.32 കോടിയായി. 5.74 ലക്ഷം പേരാണ് ഇതുവരെ മരിച്ചത്. 76.91 ലക്ഷം ജനങ്ങള്‍ രോഗമുക്തി നേടി. 49.62 ലക്ഷം ജനങ്ങള്‍ നിലവില്‍ ചികിത്സയിലാണെന്നും വേള്‍ഡോമീറ്റേഴ്സിന്റെ കണക്കുകള്‍ പറയുന്നു. ബ്രസീലില്‍ 770, അമേരിക്കയില്‍ 452, ഇന്ത്യയില്‍ 540, മെക്സിക്കോയില്‍ 276, ഇറാനില്‍ 203, പെറുവില്‍ 184, കൊളംബിയയില്‍ 148, റഷ്യയില്‍ 104, സൗത്ത് ആഫ്രിക്കയില്‍ 93 എന്നിങ്ങനെയാണ് ഇന്നലെ മരിച്ചവരുടെ എണ്ണം.ലോകത്ത് ഏറ്റവുമധികം രോഗികളുളള അമേരിക്കയില്‍ ഇന്നലെ 64,420 പേര്‍ക്ക് കൂടി രോഗം സ്ഥിരീകരിച്ചു.
ഇതോടെ ആകെ രോഗബാധിതര്‍ 34.78 ലക്ഷമായി. ഇതുവരെ 1.38 ലക്ഷം പേരാണ് അമേരിക്കയില്‍ മരിച്ചത്. 15.49 ലക്ഷം ജനങ്ങള്‍ രോഗമുക്തി നേടി. ബ്രസീലില്‍ 21,783 പേര്‍ക്ക് ഇന്നലെ രോഗം സ്ഥിരീകരിച്ചു.ആകെ രോഗികള്‍ 18.87 ലക്ഷമായി. 72921 പേരാണ് ഇതുവരെ മരിച്ചത്. 24 മണിക്കൂറില്‍ 1.94 ലക്ഷം പേര്‍ക്ക് കൊവിഡ് മരണം 3,712 ലോകത്ത് രോഗബാധിതര്‍ 1.32 കോടി അമേരിക്കയില്‍ രോഗികള്‍ 35 ലക്ഷത്തിലേക്ക്
റഷ്യയില്‍ 7.33 ലക്ഷം രോഗികളാണുളളത്.

11,439 പേര്‍ ഇതുവരെ കൊവിഡിനെ തുടര്‍ന്ന് ഇവിടെ മരിച്ചു. പെറുവില്‍ 3.30 ലക്ഷം രോഗികള്‍, മരണം 12,054. രോഗികളുടെ എണ്ണത്തില്‍ എട്ടാം സ്ഥാനത്തുളള മെക്സിക്കോയില്‍ മരണനിരക്ക് വളരെ കൂടുതലാണ്. 2.99 ലക്ഷം പേര്‍ക്കാണ് ഇവിടെ രോഗം ബാധിച്ചത്. ഇതുവരെ 35,006 ജനങ്ങള്‍ മരിച്ചു. 2.90 ലക്ഷം ജനങ്ങള്‍ക്ക് രോഗം സ്ഥിരീകരിച്ച ബ്രിട്ടണില്‍ 44,830 പേരാണ് ഇതുവരെ മരിച്ചത്. ഗള്‍ഫ് രാജ്യങ്ങളില്‍ സൗദി അറേബ്യയില്‍ ഇന്നലെ 20 പേരാണ് മരിച്ചത്. 2,852 പേര്‍ക്ക് രോഗം സ്ഥിരീകരിക്കുകയും ചെയ്തു. ഇതോടെ രോഗികള്‍ 2.35 ലക്ഷമായി. ആകെ 2,243 പേരാണ് മരിച്ചത്. ഖത്തറില്‍ 1.04 ലക്ഷം പേര്‍ക്ക് ഇതുവരെ രോഗം സ്ഥിരീകരിച്ചു. 149 പേരാണ് മരിച്ചത്. ഒമാനില്‍ രോഗികളുടെ എണ്ണം കൂടുകയാണ്.

ഇന്നലെ മാത്രം 2,164 പേര്‍ക്ക് രോഗം സ്ഥിരീകരിച്ചു. ഇതുവരെ 259 പേരാണ് മരിച്ചത്. ആകെ രോഗികള്‍ 58,179. യുഎഇയില്‍ 55,198 പേര്‍ക്ക് രോഗം കണ്ടെത്തി. ഇതില്‍ 334 പേരാണ് മരണമടഞ്ഞത്. ലോകത്ത് വിവിധ രാജ്യങ്ങളില്‍ കൊവിഡ് ബാധിച്ചവരുടെയും മരിച്ചവരുടെയും കണക്കുകള്‍. വേള്‍ഡോ മീറ്റേഴ്‌സില്‍ നിന്ന്.ഇന്ത്യയില്‍ ഇന്നലെ 28,179 പേര്‍ക്ക് രോഗം സ്ഥിരീകരിച്ചു. 540 പേരാണ് മരിച്ചത്. ഇതോടെ ആകെ രോഗികള്‍ ഒന്‍പത് ലക്ഷം കടന്നു. ഇതുവരെ 23,727 പേര്‍ മരിച്ചു. മഹാരാഷ്ട്ര, തമിഴ്നാട്, ഡല്‍ഹി എന്നിവിടങ്ങളിലെ സ്ഥിതി രൂക്ഷമായി തുടരുകയാണ്.