നിങ്ങള് ജീവിക്കണമോ എന്നു നിര്ണയിക്കേണ്ടത് നിങ്ങള് എവിടെയാണ് ജീവിക്കുന്നത് എന്നതിലായിരിക്കരുത്; കോവിഡ് വാക്സിൻ കണ്ടുപിടിച്ചാൽ ലോകത്ത് എല്ലാവര്ക്കും അത് തുല്യമായി ലഭ്യമാക്കണം ; അഭ്യർത്ഥനയുമായി കനേഡിയന് പ്രധാനമന്ത്രി ജസ്റ്റിന് ട്രൂഡോ.
കോവിഡ് പ്രതിരോധ വാക്സിന് കണ്ടുപിടിക്കാനുള്ള നെട്ടോട്ടത്തിലാണ് ലോകം മുഴുവൻ. എന്നാൽ അത് കണ്ടുപിടിച്ചാൽ അതെല്ലാവര്ക്കും തുല്യമായി ലഭ്യമാക്കണമെന്ന് ആവശ്യപ്പെട്ട് കനേഡിയന് പ്രധാനമന്ത്രി ജസ്റ്റിന് ട്രൂഡോ. സ്പെയിന്, ന്യൂസീലന്ഡ്, ദക്ഷിണ കൊറിയ, എത്യോപ്യ തുടങ്ങിയ രാജ്യങ്ങളിലെ നേതാക്കളുമായി ചേര്ന്നായിരുന്നു ട്രൂഡോ ഈ കാര്യം പറഞ്ഞത്.വാക്സിന് ജീവന് രക്ഷിക്കും. അതുകൊണ്ടാണ് ഒരു വാക്സിന് കണ്ടെത്തുന്നതിനായി ലോകമെമ്ബാടും ശ്രമിക്കുന്നത്. അങ്ങനെ ചെയ്യുമ്ബോള് ലോകത്ത് എല്ലാവര്ക്കും അത് തുല്യമായി ലഭ്യമാകുന്നതും നാം ഉറപ്പുവരുത്തണമെന്നും അദ്ദേഹം വ്യക്തമാക്കി . കാരണം നിങ്ങള് ജീവിക്കണമോ എന്നു നിര്ണയിക്കേണ്ടത് നിങ്ങള് എവിടെയാണ് ജീവിക്കുന്നത് എന്നതിലായിരിക്കരുത്..' ട്രൂഡോ ട്വീറ്റ് ചെയ്തു.
ഇതുമായി ബന്ധപ്പെട്ട് ട്രൂഡോയുള്പ്പടെ സ്പെയിന്, ന്യൂസീലന്ഡ്, ദക്ഷിണ കൊറിയ, എത്യോപ്യ തുടങ്ങിയ രാജ്യങ്ങളിലെ നേതാക്കള് ചേര്ന്ന് ഒരു ലേഖനം പ്രസിദ്ധീകരിച്ചു . വാക്സിന് നിര്മാണത്തിനും വിതരണത്തിനും വിവിധ രാജ്യങ്ങളുടെ സഹകരണം ഈ ലേഖനത്തില് നേതാക്കള് ആവശ്യപ്പെടുകയാണ്. കോവിഡ് വാക്സിന് തുല്യമായി വിതരണം ചെയ്യാന് ആഗോളനേതാക്കള് പ്രതിജ്ഞാബദ്ധരാകണമെന്ന് തങ്ങള് അപേക്ഷിക്കുകയാണെന്ന് ഈ ലേഖനം പങ്കുവെച്ചുകൊണ്ട് ട്രൂഡോ വ്യക്തമാക്കി. . സ്പെയിന്, ന്യൂസീലന്ഡ്, ദക്ഷിണ കൊറിയ, എത്യോപ്യ തുടങ്ങിയ രാജ്യങ്ങളിലെ നേതാക്കളെയും തന്റെ ട്വീറ്റില് ട്രൂഡോ ടാഗ് ചെയ്തിട്ടുണ്ട്.
https://www.facebook.com/Malayalivartha
