കോവിഡിന്റെ പുതിയ വകഭേദം കണ്ടെത്തിയ സാഹചര്യത്തിൽ നിർത്തലാക്കിയ ലണ്ടൻ-കൊച്ചി ഡയറക്ട് വിമാന സർവീസ് ഉടൻ പുന:രാരംഭിക്കില്ലെന്ന് അധികൃതർ അറിയിക്കുകയുണ്ടായി. ജനുവരി എട്ടിന് പുന:രാരംഭിക്കുന്ന ബ്രിട്ടനിലേക്കുള്ള 15 പ്രതിവാര സർവീസുകളിൽ നിന്നും കൊച്ചിയെ ഒഴിവാക്കിയതായി കേന്ദ്ര വ്യാമയാന മന്ത്രി ഹർദീപ് സിംങ് പുരിയുടെ ട്വിറ്ററിലൂടെ അറിയിക്കുകയുണ്ടായി. നിലവിൽ ലഭ്യമാകുന്ന വിവരങ്ങൾ അനുസരിച്ച് ജനുവരി എട്ടു മുതൽ 23 വരെയാണ് ആഴ്ചയിൽ 15 സർവീസുകൾക്ക് വ്യോമയാന മന്ത്രാലയം അനുമതി നൽകിയിട്ടുള്ളത്. ഇതിൽ ഉൾപ്പെടാത്ത സാഹചര്യത്തിൽ ജനുവരി 23നു ശേഷമേ കൊച്ചിയിൽ നിന്നു നേരിട്ടുള്ള സർവീസ് പുന:രാരംഭിക്കാൻ എന്തെങ്കിലും സാധ്യത ഉളളൂ. എന്നാൽ ഇക്കാര്യത്തിലും അവ്യക്തത തുടരുകയാണ്.

കേന്ദ്ര വ്യേമയാന മന്ത്രാലയത്തിന്റെ ഇത്തരത്തിലുള്ള അപ്രതീക്ഷിത തീരുമാനം പുതുവർഷത്തിൽ യുകെയിലെ മലയാളികൾക്കാകെ ഇരുട്ടടി ആയിരിക്കുകയാണ്. അടിയന്തര ആവശ്യങ്ങൾക്കായും മറ്റും നാട്ടിലെത്തിയ നൂറുകണക്കിനു മലയാളികളാണ് ബ്രിട്ടനിലേക്ക് തിരിച്ചെത്താനാകാതെ കേരളത്തിൽ കുടുങ്ങിയിട്ടുള്ളത്. നേരിട്ടുള്ള വിമാനസർവീസിൽ വിശ്വസിച്ചും പ്രതീക്ഷ വച്ചും നാട്ടിൽ പോയവരെല്ലാം ഒരുവിധത്തിലും മടങ്ങിവരാനാകാതെ ദുരിതത്തിലായിരിക്കുകയാണ്.

അതേസമയം മുംബൈ, ഡൽഹി, ബാംഗ്ലൂർ, ഹൈദരാബാദ് എന്നിവിടങ്ങളിൽ നിന്നാണ് ജനുവരി എട്ടുമുതൽ 23 വരെയുള്ള പുതുക്കിയ ഷെഡ്യൂളിലെ സർവീസുകൾ എന്നത്. ആഭ്യന്ത സർവീസുകളെ ആശ്രയിച്ച് ഈ വിമാനത്താവളങ്ങളിലെത്തിയാൽ മാത്രമേ കേരളത്തിൽ കുടുങ്ങിയ ബ്രിട്ടീഷ് മലയാളികൾക്ക് തൽകാലം മടങ്ങിയെത്താൻ കഴിയൂ.

അതോടൊപ്പം തന്നെ വന്ദേഭാരതിൽ ഉൾപ്പെടുത്തി തുടങ്ങിയ സർവീസുകളിൽ ഏറ്റവും വിജയപ്രദമായ സർവീസുകളിലൊന്നായിരുന്നു ലണ്ടനിൽനിന്നും കൊച്ചിയിലേക്കും തിരിച്ചുമുള്ള ഡയറക്ട് സർവീസ് എന്നത്. ആഴ്ചയിൽ ഒരു സർവീസ് എന്നത് ജനത്തിരക്കു മൂലം പിന്നീട് രണ്ടായും നവംബർ 25 മുതൽ ആഴ്ചയിൽ മൂന്നായും ഉയർത്തുകയും ചെയ്തിരുന്നു. മാർച്ച് 31 വരെ ആഴ്ചയിൽ മൂന്നു സർവീസ് തുടരാനായിരുന്നു നിലവിലെ തീരുമാനം എന്നത്. ഇതാണ് താൽക്കാലികമായി നിർത്തിയിരിക്കുന്നത്.