നമ്മളെ തള്ളി പറയുന്നവരെ നമ്മളെ കുത്തി പറയുന്നവരെ നമ്മളെ വിമർശിക്കുന്നവരെ തിരിച്ച് അവർക്ക് ദോഷം ഒന്നും ചെയ്യാതെ അവർക്ക് നന്മ ചെയ്താൽ അവരുടെ തലയിൽ തീ വാരി ഇടുകയാണ് ചെയ്യുന്നത്എന്നൊരു അതിശയോക്തി പറയാറുണ്ട്. അങ്ങനെയെങ്കിൽ കാനഡയുടെ തലയിൽ തീ വാരിയിട്ടിരിക്കുകയാണ് ഇന്ത്യ. വിമർശിച്ചവർക്കും സ്നേഹ സാന്ത്വനം നൽകി ഇന്ത്യ വീണ്ടും ലോകത്തെ ഞെട്ടിക്കുന്നു. കർഷക സമരത്തിൽ ഇന്ത്യയെ വിമർശിച്ചിട്ടും വാക്സിൻ നൽകാമെന്ന് കാനഡയ്ക്കു ഉറപ്പുനൽകി ഇന്ത്യ. വാക്സിൻ ലഭിക്കുമെന്ന പ്രതീക്ഷയോടിരിക്കുകയാണ് കാനഡ. കൊറോണയ്‌ക്കെതിരായ പ്രതിരോധ പ്രവർത്തനങ്ങളിൽ ഇന്ത്യയുടെ സഹായം ആവശ്യപ്പെട്ട് കാനഡ രംഗത്തുവരികയായിരുന്നു. ഇന്ത്യയുടെ വാക്‌സിൻ ആവശ്യപ്പെട്ട് കനേഡിയൻ പ്രധാനമന്ത്രി ജസ്റ്റിൻ ട്രൂഡോ പ്രധാനമന്ത്രി നരേന്ദ്ര മോദിയുമായി സംസാരിച്ചു. ടെലഫോണിലൂടെയാണ് ഇരുനേതാക്കളും സ്ഥിതിഗതികൾ വിലയിരുത്തിയത്.

കാനഡയുടെ വാക്‌സിനേഷൻ സുഗമമായി നടക്കുന്നതിന് എല്ലാ സഹായവും നൽകുമെന്ന് പ്രധാനമന്ത്രി ഉറപ്പ് നൽകി. ലോകം കൊറോണയ്ക്ക് മുന്നിൽ പിടിച്ചു നിന്നെങ്കിൽ അതിന് പിന്നിൽ ഇന്ത്യയുടെ മെഡിക്കൽ രംഗവും സംഭരണ ശേഷിയും ഒപ്പം നരേന്ദ്ര മോദിയുടെ നേതൃപാടവവുമാണെന്ന് ട്രൂഡോ പറഞ്ഞു. കൊറോണ പ്രതിരോധത്തിന് പുറമെ മറ്റ് ആനുകാലിക വിഷയങ്ങളെക്കുറിച്ചും ഇരുനേതാക്കളും സംസാരിച്ചു. കാലാവസ്ഥ വ്യതിയാനം, സാമ്പത്തിക രംഗം എന്നീ വിഷയങ്ങളിൽ യോജിച്ച് പ്രവർത്തിക്കാനും ഇരുരാജ്യങ്ങളും തമ്മിലുള്ള ബന്ധം ശക്തമായി തുടരാനും ഇരുവരും തീരുമാനിച്ചു.