മാസങ്ങളായി ലക്ഷദ്വീപില്‍ നടക്കുന്ന കാര്യങ്ങളെ കുറിച്ചുള്ള വിവാദങ്ങളാണ്​ ഇപ്പോള്‍ പൊതു ചര്‍ച്ചകളില്‍ ഏറെയും. ചര്‍ച്ചകളും പ്രസ്​താവന യുദ്ധങ്ങളും അന്തരീക്ഷത്തില്‍ നിറയു​മ്പോഴും ദ്വീപില്‍ നടക്കുന്നത്​ എന്താണെന്നത്​ സംബന്ധിച്ച്‌​ ആശയക്കുഴപ്പങ്ങളും ഏറെയാണ്​.

പുറത്തെ ചര്‍ച്ചാ ബഹളങ്ങളില്‍ പറയുന്നത്​ ​പോലെ ഹിന്ദു-മുസ്​ലിം പ്രശ്​നമോ ബീഫ്​ നിരോധന പ്രശ്​നമോ ഒന്നുമല്ല ദ്വീപില്‍ ഇപ്പോള്‍ കലങ്ങി മറിയുന്നതെന്ന്​ ഫേസ്​ബുക്ക്​ കുറിപ്പിലൂടെ വിശദീകരിക്കുകയാണ്​ ലക്ഷ ദ്വീപില്‍ നിന്നുള്ള ഒഫ്​താല്‍മോളജിസ്​റ്റ്​ ഡോ. സബീന ഇസ്​മയില്‍. ആ മണ്ണില്‍ ജീവിക്കാനുള്ള അനുവാദം തന്നെ നഷ്​ടപ്പെടുന്നതാണ്​ ദ്വീപ്​ വാസികളുടെ ഉറക്കം കെടുത്തുന്നതെന്നും അവര്‍ പറയുന്നു.

ലക്ഷ ദ്വീപിലെ പ്രശ്​നം നിലനില്‍പി​ന്റേതാണെന്നു ​ അവര്‍ പറയുന്നു. ഹിന്ദു-മുസ്​ലിം വിഷയമോ ബീഫോ മറ്റ്​ മാംസാഹാരങ്ങളോ കഴിക്കുന്നതോ അല്ല അവിടത്തെ ഇപ്പോഴത്തെ പ്രശ്​നം. ഞങ്ങളുടെ വീടുകള്‍ നഷട്​പ്പെടുന്നതാണ്​. വികസനത്തി​ന്റെ പേരില്‍ ഞങ്ങളുടെ മണ്ണില്‍ നിന്ന്​ ഞങ്ങളെ പുറം തള്ളാനുള്ള നീക്കമാണ്​. അങ്ങിനെ പണം കുഴിക്കുന്ന കോര്‍പറേറ്റുകള്‍ക്ക്​ അവിടെ ടൂറിസ്​റ്റ്​ കേന്ദ്രമാക്കേണ്ടതുണ്ടെന്നും അവര്‍ പറയുന്നു​.

'അതെ, ലക്ഷദ്വീപ്​ ഇന്ത്യയുടെ ഭാഗം തന്നെയാണ്​. കേന്ദ്ര സര്‍ക്കാറി​െന്‍റ മുഴുവന്‍ നിയമങ്ങളും ഞങ്ങള്‍ അനുസരിച്ചിട്ടുണ്ട്​. ഞങ്ങള്‍ ഉപദ്രവകരമല്ലാത്ത മുഴുവന്‍ നിയമങ്ങളും ഇനിയും അനുസരിക്കുകയും ചെയ്യും. എല്ലാ അതിരുകള്‍ക്കും മുകളിലുള്ളതാണ്​ ഇപ്പോള്‍ സംഭവിക്കുന്നതെല്ലാം. ഞങ്ങളുടെ മണ്ണില്‍ ഞങ്ങള്‍ കുടിയാന്‍മാരാക്കപ്പെടുകയാണ്​. ഞങ്ങളുടെ മണ്ണില്‍ ഒരു മരം നടാന്‍, സ്വന്തം വീടൊന്ന്​ പുതുക്കി പണിയാന്‍ അനുവാദം വാങ്ങേണ്ടി വരുന്നു.'- സബീന എഴുതുന്നു.

'ദയാഹൃദയരായ പലരും ഞങ്ങള്‍ക്കു വേണ്ടി സംസാരിക്കുന്നുണ്ട്​. പക്ഷേ, ഞങ്ങളെ കുറിച്ച്‌​ ഒന്നുമറിയാത്ത ചിലര്‍ വിഷലിപ്​തമായ ആരോപണങ്ങളും ഉന്നയിക്കുന്നുണ്ട്​. മയക്കുമരുന്നും ആയുധങ്ങളും ഞങ്ങള്‍ക്കു സമീപമുള്ള കടലി​ല്‍ നിന്ന്​ പിടിച്ച വാര്‍ത്തകള്‍ പൊക്കിപ്പിടിച്ച്‌​ ഞങ്ങ​ളെ ​ഐ.എസ്​.​ഐ.എസ്​ ചാപ്പകുത്താനും മയക്കുമരുന്ന്​- ആയുധ കച്ചവടക്കാരായി ചിത്രീകരിക്കാനും ശ്രമങ്ങളുണ്ട്​. ആയിരക്കണക്കിന്​ കേരളീയരും മറ്റു ദേശക്കാരും വര്‍ഷങ്ങളോളം ദ്വീപില്‍ കഴിഞ്ഞിട്ടുണ്ട്​.

അവര്‍ക്കറിയാം ദ്വീപ്​ വാസികള്‍ എങ്ങിനെയുള്ളവരാണെന്ന്​. ദ്വീപ്​ വാസികളെ അറിയുന്ന സുഹൃത്തുക്കളോട്​ ഞാന്‍ അപേക്ഷിക്കുകയാണ്​, ഞങ്ങള്‍ അവിടെ നിന്ന്​ പുറം തള്ളപ്പെടണമോ ഇല്ലയോ എന്ന്​ തീരുമാനിക്കപ്പെടുന്നതിന്​ മുമ്പ് ​ ഞങ്ങ​ളെ കുറിച്ചുള്ള നിങ്ങളുടെ അനുഭവങ്ങള്‍ ലോകത്തോട്​ വിളിച്ചു പറയൂ.. ഞങ്ങള്‍ക്ക്​ ആവശ്യമായ ഈ ഘട്ടത്തില്‍ ഞങ്ങളോടൊപ്പം നില്‍ക്കൂ..' -ഡോ. സബീന എഴുതി.