വെള്ളത്തിനടിയിലുള്ള പൈപ്പ് ലൈനിൽ നിന്നുള്ള വാതക ചോര്‍ച്ച മൂലം ഗള്‍ഫ് ഓഫ് മെക്സിക്കോയുടെ സമുദ്രത്തില്‍ വലിയ തീപിടുത്തമുണ്ടായതായി റിപ്പോര്‍ട്ട്‌. വെള്ളത്തില്‍ തീ പടരുന്നതിന്റെ ദൃശ്യം സോഷ്യല്‍ മീഡിയയില്‍ വൈറലായി. അഗ്നിജ്വാലകള്‍ക്ക്‌ ഉരുകിയ ലാവയോട് സാമ്യമുള്ളതിനാല്‍ അവയെ 'തീയുടെ കണ്ണ്' എന്ന് വിളിച്ചിരുന്നു.

മെക്സിക്കോയില്‍ നിന്നും മറ്റിടങ്ങളില്‍ നിന്നുമുള്ള വിവിധ പത്രപ്രവര്‍ത്തകരും പ്രസിദ്ധീകരണങ്ങളും വൃത്താകൃതിയിലുള്ള തീ പിടുത്തത്തിന്റെ ദൃശ്യങ്ങള്‍ പുറത്തു വിട്ടിട്ടുണ്ട്‌. അഗ്നിജ്വാലകളെ നിയന്ത്രിക്കാന്‍ നൈട്രജന്‍ ഉപയോഗിച്ചതായാണ്‌ റിപ്പോര്‍ട്ട്.

മെക്സിക്കോയുടെ സര്‍ക്കാര്‍ ഉടമസ്ഥതയിലുള്ള എണ്ണ കമ്പനിയായ പെട്രോളിയോസ് മെക്സിക്കാനോസ് അല്ലെങ്കില്‍ പെമെക്സിന്റെ കടലിനടിയിലുണ്ടായ തീപിടുത്തം പൂര്‍ണ്ണമായും നിയന്ത്രിക്കാന്‍ അഞ്ച് മണിക്കൂറിലധികം സമയം എടുത്തു. പ്രാദേശിക സമയം പുലര്‍ച്ചെ 5: 15 നാണ് ഗ്യാസ് ചോര്‍ച്ചയില്‍ തീപടര്‍ന്നതെന്നും രാവിലെ 10: 30 ഓടെ അത് പൂര്‍ണ്ണമായും കെടുത്തിയെന്നുമാണ്‌ റിപ്പോര്‍ട്ട്.