വെടിനിര്‍ത്തല്‍ ലംഘിച്ച്‌​ ഗസ്സയിലെ ഹമാസ്​ കേന്ദ്രങ്ങള്‍ക്കു നേരെ വീണ്ടും ഇസ്രായേല്‍ ബോംബുവര്‍ഷം. ഗസ്സയില്‍ നിന്ന്​ അഗ്​നിബലൂണുകള്‍ വര്‍ഷിച്ചു എന്നാരോപിച്ചാണ്​ ആക്രമണം. ശനിയാഴ്​ച അര്‍ധരാത്രി നടത്തിയ ആക്രമണത്തില്‍ ഹമാസിന്റെ ആയുധനിര്‍മാണ കേന്ദ്രവും റോക്കറ്റ്​ വിക്ഷേപണ കേന്ദ്രവും തകര്‍ത്തതായി ഇസ്രായേല്‍ അവകാശപ്പെട്ടു. ആളപായമുള്ളതായി റിപ്പോര്‍ട്ടില്ല. ഗസ്സയില്‍ നിന്നു ഏതുതരത്തില്‍ പ്രകോപനമുണ്ടായാലും അതിനെല്ലാം പിന്നില്‍ ഹമാസ്​ ആയിരിക്കുമെന്ന്​ ഇസ്രായേല്‍ ആരോപിച്ചു.