റഷ്യക്കെതിരെ പോരാട്ടം കടുപ്പിച്ച് തന്നെ മുന്നോട്ട് പോവുകയാണ്് യുക്രൈന്‍. റഷ്യ വാക്വം ബോംബുകള്‍ പ്രയോഗിച്ചപ്പോള്‍ മറുപടിയായി ഡ്രോണുകള്‍ ഉപയോഗിച്ചുള്ള  തന്ത്രമാണ് സെലിന്‍സ്‌കി തുടങ്ങിയത്. ഡ്രോണ്‍ ആക്രമണങ്ങളാണ് റഷ്യക്ക് ദക്ഷിണ-പശ്ചിമ മേഖലയിലെല്ലാം കനത്ത നാശനഷ്ടമുണ്ടാക്കിയത്.

യുക്രൈന്‍  കൈവശമുള്ള ഏറ്റവും അത്യാധുനിക ആയുധമാണ് ഉപയോഗിക്കാന്‍ പോകുന്നത്. അസര്‍ബൈജാന്‍-അര്‍മീനിയ യുദ്ധത്തിലെ ഏറ്റവും വലിയ വഴിത്തിരിവായ ഡ്രോണ്‍.  ഇത് റഷ്യയെ ഭയപ്പെടുത്തുന്നതാണ്. യുക്രൈന്‍ ഉപയോഗിക്കുന്നത് തുര്‍ക്കിഷ് ബെയരാക്തര്‍ ഡ്രോണുകളാണ്. റഷ്യയുടെ സൈനിക കരുത്തിനെ വെല്ലുവിളിക്കുന്നുണ്ട് സെലന്‍സ്‌കി ഇതിലൂടെ.  ബെയരാക്തര്‍ ഡ്രോണുകള്‍ തുര്‍ക്കിയാണ് യുക്രൈന് നല്‍കിയത്. മണിക്കൂറില്‍ 80 കിലോമീറ്റര്‍ വേഗത്തില്‍ പറക്കാനും നേരിട്ടുള്ള യുദ്ധത്തില്‍ വളരെ മികച്ച് നില്‍ക്കുന്നതുമാണ് ഇത്. 25000 അടി ഉയരത്തില്‍ വരെ സ്‌ഫോടനം നടത്താന്‍ ഈ ഡ്രോണിന് സാധിക്കും. 185 മൈലുകള്‍ അപ്പുറത്ത് നിന്ന് വരെ ആശയവിനിമയം സാധ്യമാണ്. 2020ല്‍ അര്‍മീനിയക്കെതിരെ അസര്‍ബൈജാന്‍ നടത്തിയ ഡ്രോണ്‍ ആക്രമണത്തില്‍ ബെയ്‌റാക്തര്‍ വലിയ സഹായമായിരുന്നു.  എളുപ്പത്തില്‍ കണ്ടുപിടിക്കാന്‍ സാധിക്കില്ല എന്നത് ഗുണകരമാണ്. റഡാറുകളുടെ കണ്ണില്‍പ്പെടാതെ മുന്നേറാനും ഇവയ്ക്ക് സാധിക്കും. റഷ്യയുടെ ക്രസൂക്ക 4 സംവിധാനത്തെ ഇത് മറികടന്നേക്കും. അസര്‍ബൈജാനും അര്‍മീനിയയും തമ്മിലുള്ള യുദ്ധത്തില്‍ അസര്‍ബൈജാന് ഏക മേല്‍ക്കോയ്മ ലഭിച്ചതും ഇക്കാര്യത്തിലായിരുന്നു. അസര്‍ബൈജാന്‍ ഇസ്രയേലിന്റെയും തുര്‍ക്കിയുടെയും ഡ്രോണുകളെ വലിയ തോതില്‍ ആശ്രയിക്കുന്നുണ്ട്. അര്‍മീനിയയുടെ കൈവശം റഷ്യന്‍ ആയുധങ്ങളുണ്ടായിരുന്നു. ആ ആയുധങ്ങളെ തകര്‍ത്തത് ബെയ്‌റാക്തറാണ്. തുര്‍ക്കിഷ് ഡ്രോണുകള്‍ എളുപ്പത്തിലാണ് അര്‍മേനിയന്‍ സേനയെ വീഴ്ത്തിയത്.

നേരത്തെ യുഎഇ ലിബിയന്‍ ദേശീയ സൈന്യത്തിന്റെ ഒരു വിഭാഗത്തിനെതിരായ പോരാട്ടത്തില്‍ ചൈനയുടെ വിംഗ് ലൂങ് ഡ്രോണുകള്‍ ഉപയോഗിച്ചിരുന്നു. തുര്‍ക്കി ഇതില്‍ ഇടപെട്ട് ഉപയോഗിച്ചത് ബെയ്‌റാക്തറായിരുന്നു. ഇത് ലിബിയന്‍ സൈന്യത്തിന്റെ റഷ്യന്‍ നിര്‍മിത പ്രതിരോധ സംവിധാനങ്ങള്‍ ആകെ തകര്‍ത്ത് തരിപ്പണമാക്കിയിരുന്നു. ഇതോടെയാണ് ഏറ്റുമുട്ടല്‍ അവസാനിച്ച്, അവര്‍ പിന്‍മാറിയത്. ബാഷര്‍ അല്‍ അസദിന്റെ സേനയെയും ഈ ഡ്രോണുകള്‍ തകര്‍ത്തിരുന്നു. മേല്‍പറഞ്ഞ കാരണങ്ങള്‍ കൊണ്ട് തന്നെ പുതിയ നീക്കത്തെ ലോകം ഗൗരവത്തോടെ കാണുകയാണ്.