അടുത്ത യുദ്ധത്തിന് ലോകത്തിന് കളമൊരുങ്ങി; ട്രംപിന്റെ മുന്നറിയിപ്പ്, ഞെട്ടലില് ലോകം
റഷ്യ ഉക്രൈന് സംഘര്ഷങ്ങള്ക്ക് പിന്നാലെ ലോകം ഇപ്പോള് ഉറ്റുനോക്കുന്നത് ചൈനയുടെ പടപ്പുറപ്പാടാണ്. തായ്വാനെ ലക്ഷ്യമാക്കി ചൈന നീങ്ങുമോ എന്ന ചോദ്യം ചര്ച്ചയാവുകയാണ്. യുക്രൈനിലെ സംഭവവികാസങ്ങള് ചൈനീസ് പ്രസിഡന്റ് ഷി ജിങ് പിങ്ങ് സന്തോഷത്തോടെ വീക്ഷിക്കുന്നുണ്ടാകുമെന്നും അധിനിവേശത്തിന് സാധ്യതയുള്ള അടുത്ത പ്രദേശം തായ്വാനായിരിക്കുമെന്നും മുന് അമേരിക്കന് പ്രസിഡന്റ് ഡൊണാള്ഡ് ട്രംപ്. അമേരിക്ക ചെയ്ത മണ്ടത്തരം ചൈന നിരീക്ഷിക്കുകയാണെന്നും തീര്ച്ചയായും അവര് തായ്വാന് ആക്രമിക്കാന് പോകുകയാണെന്നും ഫോക്സ് ബിസിനസ്സിന് പ്രത്യേകമായി നല്കിയ അഭിമുഖത്തില് ഡൊണാള്ഡ് ട്രംപ് പറഞ്ഞു.
പ്രസിഡണ്ട് ഷി ബുദ്ധിയുള്ള ആളാണ്. അഫ്ഗാനിസ്താനില് എന്താണ് സംഭവിച്ചതെന്ന് അദ്ദേഹം ശ്രദ്ധിക്കുന്നു. അമേരിക്കന് പൗരന്മാരെ അവിടെ ഉപേക്ഷിച്ചു നമ്മള് അഫ്ഗാനിസ്താനില് നിന്ന് പിന്വാങ്ങിയത് അദ്ദേഹം കണ്ടു... ഇപ്പോഴും പ്രശ്നത്തില് നിന്ന് പുറത്തുകടക്കാന് ശ്രമിക്കുന്നു. അദ്ദേഹം അത് കാണുന്നുണ്ട്. ഇതാണ് ഷീയ്ക്ക് ആഗ്രഹിക്കുന്നത് ചെയ്യാനുള്ള അവസരം' - യുഎസ് പ്രസിഡന്റ് ജോ ബൈഡനെതിരായ ആക്രമണം ശക്തമാക്കിക്കൊണ്ട് ട്രംപ് പറഞ്ഞു. യുക്രൈനില് നിരവധി ആളുകള് മരിക്കുന്നുവെന്നും ഇത് സംഭവിക്കാന് നമ്മള് അനുവദിക്കുകയാണെന്നും അദ്ദേഹം പറഞ്ഞു. താന് ഇപ്പോഴും പ്രസിഡന്റായിരുന്നെങ്കില് ഇത് ഒരിക്കലും സംഭവിക്കില്ലായിരുന്നു. താനുണ്ടായിരുന്നുവെങ്കില് പുടിന് ഒരിക്കലും ഇത് ചെയ്യുമായിരുന്നില്ലെന്നും ട്രംപ് പറഞ്ഞു. തന്റെ ഭരണകാലത്ത് യുക്രൈന് ടാങ്ക് വേധ മിസൈലുകള് നല്കിയെന്നും എന്നാല് ബൈഡന് ഇത് കുറച്ചെന്നും ട്രംപ് അവകാശപ്പെട്ടു. ട്രംപ് പറഞ്ഞതില് തെറ്റില്ല. കാരണം തായ്വാനെ ഇടംകണ്ണിട്ടിരിക്കുയാണ് ചൈന. കാരണം ുക്രൈന് മാസശമ്പളം നല്കി പിന്തുണച്ച് തായ്വാന് പ്രസിഡന്റ് രംഗത്ത് വന്നത് തന്നെ.
റഷ്യ അധിനിവേശം നടത്തുന്ന യുക്രൈനിലെ സഹായപ്രവര്ത്തനങ്ങള്ക്കായി തന്റെ ഒരു മാസത്തെ ശമ്പളം നല്കി പിന്തുണച്ച് തായ്വാന് പ്രസിഡന്റ് സായ്-ഇംഗ് വെന്. റഷ്യ അയല് രാജ്യത്ത് അധിനിവേശം നടത്തിയത് പോലെ തായ്വാനില് കടന്നുകയറാന് ചൈന ശ്രമിക്കുന്ന സാഹചര്യത്തിലാണ് പ്രസിഡന്റിന്റെ നീക്കം. വൈസ് പ്രസിഡന്റായ വില്യം ലായ്, പ്രീമിയറായ സു ത്സേങ് ചെങ് എന്നിവരും ഒരു മാസത്തെ ശമ്പളം യുക്രൈനിലെ സഹായ പ്രവര്ത്തനങ്ങള്ക്കായി നല്കും. ചൈനയില് നിന്നുള്ള ഭീഷണി വര്ധിച്ചുവരുന്നതിനാല്, സമാന സാഹചര്യത്തില്നിന്ന് യുദ്ധം നേരിടുന്ന യുക്രൈന് അനുകൂലമായി തായ്വാനില് കനത്ത വികാരമുണ്ട്. തായ്വാന് തങ്ങളുടെ പ്രവിശ്യയാണെന്നാണ് ചൈനയുടെ വാദം. എന്നാല് തായ്വാന് നിവാസികള് ഇത് അംഗീകരിക്കുന്നില്ല. നമ്മുടെ മാതൃരാജ്യത്തിന്റെ സമ്പൂര്ണമായ പുന:ക്രമീകരണം ചൈനയിലേയും തായ്വാനിലേയും ജനങ്ങളുടെ അഭിലാഷമാണെന്ന് ചൈനീസ് പ്രസിഡന്റ് ഷി ജിന്പിംഗ് പുതു വര്ഷ പ്രസംഗത്തില് പറഞ്ഞിരുന്നു. തായ്വാനിലെ രാഷ്ട്രീയ പ്രവര്ത്തകര്ക്കും കുടുംബാംഗങ്ങള്ക്കും മെയിന് ലാന്റിലേക്കോ ഹോങ്കോങ്ങിലേക്കോ മക്കാവിലേക്കോ പ്രവേശനമില്ലെന്ന് ചൈന മുന്കൂട്ടി വ്യക്തമാക്കിയതുമാണ്. 2016 ല് സായ് ഇന് വെന് അധികാരത്തില് വന്നതിന് ശേഷം തായ്വാന്-ചൈനീസ് ബന്ധം വഷളായെന്നാണ് ചൈനയുടെ നിഗമനം. ഏതായാലും ട്രംപിന്റെ സൂചനകള് സത്യമായാല് മറ്റൊരു പ്രതിസന്ധി കൂടി ലോകം കാണും.
https://www.facebook.com/Malayalivartha
