റഷ്യയുടെ അപ്രതീക്ഷിത ആക്രമണം ഏഴു ദിവസം പിന്നിടുമ്പോള്‍ ഉക്രെയിനിലെ മരണസംഖ്യ രണ്ടായിരം കടന്നിരിക്കുന്നു. ഉക്രെയിനെ തരിപ്പണമാക്കുമെന്ന തീരുമാനത്തില്‍ റഷ്യ ആക്രമണങ്ങള്‍ കടുപ്പിക്കുന്ന സാഹചര്യത്തില്‍ ആഗോളതലത്തില്‍ ആശങ്കയേറുകയാണ്.

ഐക്യരാഷ്ട്രസഭയുടെയുടെയും ലോകസമാധാന സംഘടനമകളുടെയും നീക്കങ്ങളെ അവഗണിച്ച് റഷ്യ നടത്തുന്ന ആക്രമണം മറ്റൊരു ലോകമഹായുദ്ധത്തിലേക്കും ആണവായുധ പ്രയോഗത്തിലേക്കും നയിക്കുമോ എന്ന ഭീതിയാണ് ലോകമെങ്ങും.

രണ്ടാം ലോകമഹായുദ്ധത്തില്‍ അമേരിക്ക ജപ്പാനിലെ ഹിരോഷിമയിലും നാഗസാക്കിയിലും നടത്തിയ കടുംകൈ പോലെ യുക്രെയിനില്‍ റഷ്യ ആണവായുധം വര്‍ഷിക്കുമോ എന്ന ഭീതിയുടെ നടുവിലാണ് ലോകം. ഉക്രെയിന്‍ കീഴടങ്ങുന്നില്ലെങ്കില്‍ ഏതു കടുംകൈ ചെയ്യാനും മടിക്കില്ലെന്ന് റഷ്യന്‍ പ്രസിഡന്റ് വള്ഡിമിര്‍ പു്ട്ടിന്‍ നടത്തിയ പ്രഖ്യാപനം ആഗോളതലത്തില്‍ ഭീതി പരത്തുകയാണ്.


ഉക്രെയിനിലെ തദ്ദേശിയ ജനങ്ങളുടെ മാത്രമല്ല വിവിധ രാജ്യങ്ങളില്‍നിന്ന് ഉക്രെയിനില്‍ കഴിയുന്ന ലക്ഷക്കണക്കിന് ജനങ്ങളുടെ ജീവസുരക്ഷയും കടുത്ത ഭീഷണിയെ നേരിടുകയാണ്. ഈ ജനങ്ങളെ സുരക്ഷിതമായി അവരുടെ നാട്ടിലെത്തിക്കാനുള്ള ഔദാര്യം പോലും റഷ്യയുടെ പക്ഷത്ത് ഉണ്ടാകാത്തതിനെ ലോകരാജ്യങ്ങള്‍ ശക്തമായ ഭാഷയില്‍ അപലപിക്കുന്നു.

റഷ്യക്കെതിരെ നാറ്റോ സഖ്യം ഉക്രയിനിന് വന്‍തോതില്‍ വെടിക്കോപ്പുകള്‍ എത്തിക്കാനുള്ള പുതിയ നീക്കത്തെ ലോകരാജ്യങ്ങള്‍ അതിഭീതിയോടെ നോക്കിക്കാണുകയാണ്. അമേരിക്കയും ബ്രിട്ടണും ഉള്‍പ്പെടെ രാജ്യങ്ങള്‍ റഷ്യയ്ക്കു സ്വന്തമായുള്ള അതേ തോതില്‍ മിസൈലുകളും അണ്വായുധങ്ങളും ഉക്രെയിനു നല്‍കിയേക്കുമെന്ന ഭീതിയാണ് ലോകത്തെ ആശങ്കയുടെ മുള്‍മുനയില്‍ നിറുത്തുന്നത്.


റഷ്യന്‍ അധിനിവേശം ഏഴാം ദിവസം പിന്നിടുമ്പോള്‍ കൂടുതല്‍ നഗരങ്ങള്‍ ലക്ഷ്യമിട്ട് റഷ്യന്‍ സൈന്യം മുന്നേറി ജനവാസ കേന്ദ്രങ്ങളില്‍ ദാക്ഷിണ്യമില്ലാതെ ആക്രമണം തുടരുകയാണ്.

തലസ്ഥാനമായ കീവിലും കാര്‍ക്കീവിലും റഷ്യ ആക്രമണം തുടരുകയാണ്. കൃത്യമായ ആള്‍നാശവും തകര്‍ച്ചയും ആര്‍ക്കും വ്യക്തമല്ല. കീവിലെ തുടര്‍ ആക്രമണങ്ങളുടെ സാഹചര്യത്തില്‍ പ്രദേശവാസികള്‍ ബങ്കറുകളിലേക്ക് പോകാന്‍ ഉക്രെയിന്‍ അധികൃതര്‍ നിര്‍ദേശം നല്‍കി. കീവിലെ തന്ത്രപ്രധാന സ്ഥാപനങ്ങള്‍ ലക്ഷ്യമിട്ടാണ് ഇന്നലെയും ഇന്നും റഷ്യയുടെ ആക്രമണം.



യുക്രെയ്നിലെ ആക്രമണങ്ങളില്‍ ഇതുവരെ 752 സാധാരണക്കാര്‍ക്ക് പരിക്കേറ്റെന്നാണ് യുഎന്‍ മനുഷ്യാകാശ വിഭാഗം അറിയിക്കുന്നത്. അതേ സമയം ഉക്രെയിനില്‍ പട്ടാണത്തിന്റെയും സിവിലിയന്‍ ജനതയുടെയും മരണസംഖ്യ പതിനായിരം കടന്നേക്കുമെന്നും റിപ്പോര്‍ട്ടുകളുണ്ട്. യുദ്ധഭൂമിയില്‍ മരണം വരെ പോരാട്ടം എന്ന ഉറച്ച തീരുമാനത്തിലാണ് ഉക്രെയിന്‍. സൈന്യത്തിനൊപ്പം സിവിലിയന്‍ ജനതയും യുദ്ധഭൂമിയിലെത്തിയതോടെ പോരാട്ടം ഉടനെയൊന്നും അവസാനിക്കില്ലെന്ന് വ്യക്തമാണ്.

യുദ്ധത്തില്‍ ഇതുവരെ 9,000 റഷ്യന്‍ സൈനികര്‍ കൊല്ലപ്പെട്ടെന്നാണ് ഉക്രെയിന്‍ അവകാശപ്പെടുന്നത്. കീവിന്റെ ചെറുത്ത്നില്‍പ്പ് റഷ്യന്‍ പദ്ധതികള്‍ തകിടംമറിച്ചെന്ന് വല്‍ദിമിര്‍ സെലന്‍സ്‌കി അവകാശപ്പെടുന്നു. റഷ്യയെപ്പോലൊരു മഹാശക്തിയോടെ ഉക്രെയിന്‍ എന്ന ചെറിയ രാജ്യം പോരാട്ടം തുടരുന്നത് അമേരിക്ക ഉള്‍പ്പെടെ വന്‍ശക്തികളുടെ പിന്തുണയിലാണെന്നതില്‍ രണ്ടുപക്ഷമില്ല.