ഖാര്‍ക്കീവില്‍ വീണ്ടും വ്യോമാക്രമണം രൂക്ഷമാകുന്നു. ചെര്‍ണിഹിവിലെ എണ്ണസംഭരണ കേന്ദ്രത്തില്‍ ഷെല്ലാക്രമണത്തെത്തുടര്‍ന്ന് വന്‍ തീപിടുത്തം . പ്രധാനമായും ഇന്ധന കേന്ദ്രങ്ങള്‍ ലക്ഷ്യമിട്ടാണ് റഷ്യ ബോംബാക്രമണം നടത്തിയിരുന്നത്. അതിന്റെ ഭാഗമായാണ് ഇപ്പോള്‍ എണ്ണസംഭരണ കേന്ദ്രത്തിനു നേരെ ആക്രമണം ഉണ്ടായിരിക്കുന്നത്. യുക്രെയിനില്‍ എട്ടാം ദിവസവും റഷ്യന്‍ ആക്രമണം ശക്തമായി തന്നെ തു‌ടരുകയാണ്.

ബു​ധ​നാ​ഴ്ച രാ​ത്രി​യി​ല്‍ ഖാര്‍​കീ​വി​ലെ പ​ള്ളി​യും ടെ​റി​ട്ടോ​റി​യ​ല്‍ ഡി​ഫ​ന്‍​സ് ആ​സ്ഥാ​ന​വും റ​ഷ്യ ആ​ക്ര​മി​ച്ചി​രു​ന്നു. കീ​വി​ന് സ​മീ​പ​മു​ള്ള മെ​ട്രോ സ്റ്റ​ഷേ​നി​ല്‍ ര​ണ്ടു സ്‌​ഫോ​ട​ന​ങ്ങ​ളു​ണ്ടാ​യി. ഇ​തി​നി​ടെ, തു​റ​മു​ഖ ന​ഗ​ര​മാ​യ മ​രി​യു​പോ​ള്‍ റ​ഷ്യ​ന്‍ സൈ​ന്യം നി​ല​വി​ല്‍ വ​ള​ഞ്ഞി​ട്ടു​ണ്ട്.

കഴിഞ്ഞ ഒരാഴ്ചയ്ക്കിടെ നിരവധി പേരാണ് റഷ്യന്‍ ആക്രമണത്തില്‍ കൊല്ലപ്പെട്ടത്. അമേരിക്ക നല്‍കുന്ന മുന്നറിയിപ്പ് പ്രകാരം കൂടുതല്‍ ജനവാസ മേഖല ലക്ഷ്യം വച്ചാണ് റഷ്യ നീങ്ങുന്നത്. ഇന്ന് രാവിലെയും വിവിധ ജനവാസ കേന്ദ്രങ്ങളില്‍ ആക്രമണം നടന്നിരുന്നു. അതേസമയം യുക്രെയിന്‍-റഷ്യ രണ്ടാംഘട്ട സമാധാന ചര്‍ച്ച ഇന്ന് ബെലാറൂസ് പോളിഷ് അതിര്‍ത്തിയില്‍ വച്ച്‌ നടക്കും.