യുക്രെയ്ന്‍ സൈന്യം നടത്തിയ തിരിച്ചടിയില്‍ റഷ്യന്‍ സൈന്യത്തിലെ മുതിര്‍ന്ന ഉദ്യോഗസ്ഥനായ മേജര്‍ ജനറല്‍ ആന്ദ്രെ സുഖൊവെസ്‌കി കൊല്ലപ്പെട്ടതായി സ്ഥിരീകരിച്ച് റഷ്യന്‍ സൈന്യം. അതേസമയം മേജര്‍ എങ്ങനെയാണ് കൊല്ലപ്പെട്ടത് എന്ന കാര്യം സൈന്യം വ്യക്തമാക്കിയിട്ടില്ല. യുക്രെയ്ന് നേരെ നടത്തിയ ആക്രമണത്തില്‍ നേതൃനിരയിലുണ്ടായിരുന്ന വ്യക്തിയായിരുന്നു സുഖൊവെസ്‌കി. ആന്ദ്രെ സുഖൊവെത്സ്‌കി കൊല്ലപ്പെട്ടുവെന്ന് യുക്രെയ്ന്‍ കഴിഞ്ഞ ദിവസം പറഞ്ഞിരുന്നു. എന്നാല്‍ റഷ്യ ഇക്കാര്യം സ്ഥിരീകരിച്ചിരുന്നില്ല.

അതേസമയം യുക്രെയ്ന്‍ പിടിച്ചടക്കാനുള്ള റഷ്യയുടെ ശ്രമം ഒന്‍പതാം ദിവസത്തിലേക്ക് കടന്നിരിക്കുകയാണ്. യുക്രെയ്‌നിലെ മൂന്നാമത്ത വലിയ നഗരമായ ഒഡേസ ലക്ഷ്യമാക്കി റഷ്യയുടെ കപ്പല്‍വ്യൂഹം പടയൊരുക്കം നടത്തുന്നതായി റിപ്പോര്‍ട്ടുകളുണ്ട്. മേഖലയില്‍ വ്യോമാക്രമണ മുന്നറിയിപ്പും നല്‍കിയിട്ടുണ്ട്. ദക്ഷിണ യുക്രെയ്‌നിലെ പ്രധാന നഗരമായ ഖേഴ്‌സണ്‍ പിടിച്ചെടുത്തതോടെ തലസ്ഥാന നഗരമായ കീവും കരിങ്കടലുമായുള്ള ബന്ധം വിച്ഛേദിക്കാന്‍ റഷ്യയ്ക്കായിട്ടുണ്ട്. ഈ സാഹചര്യത്തില്‍ ഒഡേസ പിടിച്ചെടുക്കുന്നത് റഷ്യയെ സംബന്ധിച്ച് എളുപ്പമാണ്. രണ്ട് ദിവസത്തിനുള്ളില്‍ റഷ്യയുടെ കരിങ്കടല്‍ തീരമാകെ നിയന്ത്രണത്തിലാക്കുക എന്നതാണ് റഷ്യയുടെ പദ്ധതിയിടുന്നത്. പക്ഷെ ഇതിനിടെ നിരവധി വ്യാജ വാര്‍്ത്തകള്‍ പുറത്ത് വരുന്നുണ്ട്. അതിനെതിരെ മാധ്യമങ്ങള്‍ തന്നെ രംഗത്ത് വ്‌നിട്ടുണ്ട്. അതായത്  യുദ്ധക്കളത്തില്‍ റഷ്യ ഉപേക്ഷിച്ച് പോയ യുദ്ധടാങ്കുകള്‍ ഓണ്‍ലൈനില്‍ ലേലത്തിനിട്ട യുക്രെയ്ന്‍കാര്‍, ടാങ്കുകള്‍ ട്രാക്ടറില്‍ കെട്ടിവലിച്ച് കൊണ്ടുപോകുന്ന കര്‍ഷകര്‍. ഇതൊക്കെയാണ് പ്രമുഖമാദ്ധ്യമങ്ങളില്‍ കഴിഞ്ഞ ദിവസം വന്ന വാര്‍ത്തകള്‍. എന്താണിതിന് പിന്നിലെ സത്യം ? യുദ്ധക്കളത്തില്‍ റഷ്യ ടാങ്കുകളും മറ്റും ഉപേക്ഷിച്ചോ? അവ യുക്രെയ്ന്‍കാര്‍ സ്വന്തമാക്കിയോ എന്നതിന് ഉത്തരം തേടുകയാണ് ആളുകള്‍. വാസ്തവത്തില്‍ റഷ്യയിലെ യുദ്ധ ടാങ്കുകള്‍ യുക്രെയ്ന്‍കാര്‍ ഓണ്‍ലൈനില്‍ ലേലത്തിന് വെച്ചതെന്ന് പ്രചരിപ്പിക്കുന്ന ചിത്രം വ്യാജമെന്നാണ് അന്താരാഷ്ട്ര മാദ്ധ്യമങ്ങളിപ്പോള്‍ തെളിവ് സഹിതം പറയുന്നത്. ലേലത്തിന് ഇട്ടെന്ന് പറയുന്ന ടി 72 ടാങ്കുകളുടെ ചിത്രം 2010 മുതല്‍ പ്രചരിക്കുന്നുണ്ടെന്നാണ് വിവരം. യുദ്ധത്തെ സംബന്ധിച്ച വാര്‍ത്തകളും ചിത്രങ്ങളും വൈറലാകുന്ന സാഹചര്യത്തിലാണ് ഈ ചിത്രവും വൈറലായത്. വര്‍ഷങ്ങള്‍ക്ക് മുന്‍പ് ടാങ്കറിന് 50,000 യുഎസ് ഡോളര്‍ വിലയിട്ട് ഇബേയ് എന്ന ഓണ്‍ലൈന്‍ പ്ലാറ്റ്ഫോമില്‍ ഏതോ വിരുതന്‍ ലേലത്തിന് ഇട്ട പോസ്റ്റിന്റെ സ്‌ക്രീന്‍ഷോട്ടുകളാണ് യുക്രെയ്ന്‍കാര്‍ റഷ്യന്‍ യുദ്ധടാങ്കറുകള്‍ ഓണ്‍ലൈനില്‍ വില്‍ക്കുന്നു എന്ന തരത്തില്‍ പ്രചരിക്കുന്നത്.