റഷ്യയിലെ എല്ലാ പരസ്യങ്ങളും ഗൂഗിള് താല്ക്കാലികമായി നിര്ത്തിവച്ചു
റഷ്യയിലെ എല്ലാ പരസ്യങ്ങളും താല്ക്കാലികമായി നിര്ത്തിവച്ചതായി ഗൂഗിള് നിര്ത്തിവച്ചു. ഗൂഗിള് ഡിസ്പ്ലേ പരസ്യം, യൂട്യൂബ്, സെര്ച്ച് എന്നിവയുള്പ്പെടെ റഷ്യയിലെ ഗൂഗിളിന്റെ എല്ലാ പരസ്യങ്ങളും നിര്ത്തിയെന്ന് ഗൂഗിള് വ്യക്തമാക്കി. യുക്രെയ്നെതിരെ റഷ്യയുടെ ആക്രമണം അവസാനിപ്പിച്ചാല് മാത്രമായിരിക്കും ഇനി ഗൂഗളിന്റെ പരസ്യ സേവനങ്ങള് റഷ്യയില് ലഭ്യമാകുകയുള്ളൂ.
'യുക്രെയ്നില് റഷ്യയുടെ ആക്രമണങ്ങള് അനുദിനം വര്ദ്ധിച്ചുവരുന്ന സാഹചര്യത്തില് റഷ്യയിലെ എല്ലാ പരസ്യങ്ങളും നിര്ത്തുന്നതായി അറിയിക്കുന്നു. റഷ്യയുടെ അധിനിവേശം അവസാനിച്ചാല് മാത്രമേ ഇനിമുതല് ഗൂഗിളിന്റെ പരസ്യങ്ങള് രാജ്യത്ത് കാണാനാകൂ' ഗൂഗിള് പുറത്തിറക്കിയ പ്രസ്താവനയില് വ്യക്തമാക്കി.
ഫേസ്ബുക്കിന്റെ മാതൃകമ്ബനിയായ മെറ്റയും റഷ്യയില് പരസ്യം ചെയ്യുന്നത് താല്ക്കാലികമായി നിര്ത്താന് ആലോചിക്കുന്നുണ്ടെന്നാണ് റിപ്പോര്ട്ടുകള്. റഷ്യയില് പരസ്യങ്ങള് കാണിക്കുന്നത് തടയാന് ഗൂഗിളും മെറ്റയും നേരത്തെ തന്നെ നടപടികള് സ്വീകരിച്ചിരുന്നു.
അതേസമയം, റഷ്യയുടെ മീഡിയ ഔട്ട്ലെറ്റുകള്ക്ക് ഇനിമുതല് പരസ്യവരുമാനം നല്കുകയില്ലെന്ന് ഗൂഗിള് നേരത്തെ അറിയിച്ചിരുന്നു. സമാനരീതിയില് കഴിഞ്ഞ ദിവസം യൂട്യൂബും ഫേസ്ബുക്കും നടപടിയെടുത്തിരുന്നു. പുതിയ അക്കൗണ്ടുകള് അനുവദിക്കില്ലെന്ന് ട്വിറ്ററും അറിയിച്ചിരുന്നു.
https://www.facebook.com/Malayalivartha
