അവിടെ യുദ്ധം എവിടെ കല്യാണം... അതിര്ത്തിയിലെ ചെക് പോസ്റ്റ് വേദിയില് യുദ്ധത്തിനിടെ യുക്രെയ്ന് സൈനിക ക്യാംപില് വിവാഹം
യുക്രെയ്നില് റഷ്യ സൈനികാക്രമണം തുടരുകയാണ്. ഇതിനിടെയാണ് യുക്രെയിനില് നിന്നുള്ള ഒരു വിവാഹ വാര്ത്ത ഇപ്പോള് ചര്ച്ചയാവുന്നത്. കീവിലെ സൈനിക ക്യാമ്ബില് നടന്ന വിവാഹത്തിന്റെ വീഡിയോ ഇതിനോടകം സമൂഹ മാധ്യമങ്ങളില് വൈറലായിക്കഴിഞ്ഞു.
യുക്രയ്ന് പ്രതിരോധ സേനാംഗങ്ങളായ ലെസ്യയും വാലറിയുമാണ് സൈനിക ക്യാമ്ബില് വെച്ച് വിവാഹിതരായത്. കീവ് പ്രത്യേക സൈന്യത്തിലെ 112 ആം ബറ്റാലിയനിലെ സൈനികരാണ് ഇവര്. കീവ് അതിര്ത്തിയിലെ ചെക്ക് പോസ്റ്റില് വച്ചായിരുന്നു ചടങ്ങുകള്. സൈനിക പുരോഹിതനാണ് വിവാഹകര്മ്മങ്ങള്ക്ക് നേതൃത്വം നല്കിയത്. സിറ്റി മേയര് വിറ്റാലിറ്റി ക്ലിഷ്കോയും ചടങ്ങില് പങ്കെടുത്തു.
സൈനിക യൂണിഫോം ധരിച്ചാണ് ഇരുവരും ചടങ്ങുകള്ക്ക് എത്തിയത്. വീഡിയോയില് ഇവര്ക്ക് ചുറ്റും മറ്റ് സൈനികര് നില്ക്കുന്നതായും ലെസ്യ ഒരു പൂച്ചെണ്ട് പിടിച്ചതായും കാണാം. ഇരുവര്ക്കും ആശംസ നേര്ന്ന് എല്ലാവരും പ്രാദേശിക ഗാനങ്ങള് പാടുകയും പരമ്ബരാഗത യുക്രെയ്നിയന് സംഗീതോപകരണങ്ങള് വായിക്കുകയും ചെയ്യുന്നു.
ജെര്മന് വാര്ത്താമാധ്യമമായ ബില്ഡിന്റെ റിപ്പോര്ട്ടറായ പോള് റോണ്ഷീമറാണ് വീഡിയോ ആദ്യം പോസ്റ്റ് ചെയ്തത്. പിന്നീട് സമൂഹമാധ്യമങ്ങള് ഏറ്റെടുത്തതോടെ വീഡിയോ വൈറലായി.
https://www.facebook.com/Malayalivartha
