അന്താരാഷ്ട്ര വനിതാ ദിനാചരണത്തിന്റെ സംസ്ഥാനതല ഉദ്ഘാടനം ഇന്ന് വൈകിട്ട് അഞ്ചിന് നിശാഗന്ധി ഓഡിറ്റോറിയത്തില് മുഖ്യമന്ത്രി പിണറായി വിജയന് നിര്വഹിക്കും
അന്താരാഷ്ട്ര വനിതാ ദിനാചരണത്തിന്റെ സംസ്ഥാനതല ഉദ്ഘാടനം ഇന്ന് വൈകിട്ട് അഞ്ചിന് നിശാഗന്ധി ഓഡിറ്റോറിയത്തില് മുഖ്യമന്ത്രി പിണറായി വിജയന് നിര്വഹിക്കും.
ആരോഗ്യ വനിതാ ശിശുവികസന മന്ത്രി വീണാ ജോര്ജ് അധ്യക്ഷയാകും. സ്ത്രീധനത്തിനെതിരായുള്ള പരാതികള് റിപ്പോര്ട്ട് ചെയ്യാനുള്ള പോര്ട്ടലിന്റെ ഉദ്ഘാടനവും മുഖ്യമന്ത്രി നിര്വഹിക്കും. തദ്ദേശ മന്ത്രി എം വി ഗോവിന്ദന് 'വിവാഹ പൂര്വ കൗണ്സലിങ്' പദ്ധതി ഉദ്ഘാടനം ചെയ്യും.
വിദ്യാഭ്യാസ മന്ത്രി വി ശിവന്കുട്ടി 'അങ്കണപ്പൂമഴ ജെന്ഡര് ഓഡിറ്റഡ് അങ്കണവാടി പാഠപുസ്തകം' പ്രകാശിപ്പിക്കും. ഉന്നത വിദ്യാഭ്യാസ മന്ത്രി ആര് ബിന്ദു അട്ടപ്പാടിയിലെ 'പെന്ട്രിക കൂട്ട' പദ്ധതിയുടെ പ്രഖ്യാപനം നടത്തും.
മൃഗസംരക്ഷണ മന്ത്രി ജെ ചിഞ്ചുറാണി 'ധീര' പെണ്കുട്ടികള്ക്കുള്ള സ്വയം പ്രതിരോധ പരിശീലന പദ്ധതിയുടെയും ഉദ്ഘാടനം നിര്വഹിക്കും.'നല്ലൊരു നാളേക്കായി സുസ്ഥിര ലിംഗസമത്വം ഇന്നേ' എന്നതാണ് ഈ വര്ഷത്തെ സന്ദേശം. സംസ്ഥാന വ്യാപകമായി വിവിധ പരിപാടികള് സംഘടിപ്പിക്കും. വിവിധ മേഖലകളില് വ്യക്തിമുദ്ര പതിപ്പിച്ച വനിതകള്ക്കുള്ള സംസ്ഥാന സര്ക്കാരിന്റെ 2021ലെ വനിതാരത്ന പുരസ്കാരം മുഖ്യമന്ത്രി വിതരണം ചെയ്യും.
ശാന്താ ജോസ്, ഡോ. വൈക്കം വിജയലക്ഷ്മി, ഡോ. സുനിത കൃഷ്ണന്, ഡോ. യു പി വി സുധ എന്നിവരാണ് പുരസ്കാരം നേടിയത്.സ്തുത്യര്ഹമായ സേവനം കാഴ്ചവച്ച സംസ്ഥാനത്തെ അങ്കണവാടി വര്ക്കര്മാര്, ഹെല്പ്പര്മാര്, സൂപ്പര്വൈസര്മാര്, ശിശുവികസന പദ്ധതി ഓഫീസര്, പ്രോഗ്രാം ഓഫീസര്, കലക്ടര് എന്നിവര്ക്കുള്ള പുരസ്കാരവും വിതരണം ചെയ്യും.
14 ജില്ലയിലെയും മികച്ച ഓരോ അങ്കണവാടികള്ക്കുമുള്ള ഐസിഡിഎസ് അവാര്ഡുകളും വിതരണം ചെയ്യും. ചലച്ചിത്ര പിന്നണി ഗായിക സയനോരയുടെ മ്യൂസിക് കണ്സര്ട്ട്, സര്ക്കാര് ജീവനക്കാര് അവതരിപ്പിക്കുന്ന നാടകം എന്നിവയും ഉണ്ടാകും. രാത്രി 10ന് കനകക്കുന്നില്നിന്നും ഗാന്ധിപാര്ക്ക് വരെ രാത്രി നടത്തവും സംഘടിപ്പിക്കും. രാത്രി 11ന് ഗാന്ധിപാര്ക്ക് മൈതാനത്ത് നടക്കുന്ന സമാപന സമ്മേളനത്തോടെ പരിപാടി അവസാനിക്കും.
" "
https://www.facebook.com/Malayalivartha
