ശനിയാഴ്ച കാനഡയിലുണ്ടായ വാഹനാപകടത്തില്‍ അഞ്ച് ഇന്ത്യന്‍ വിദ്യാര്‍ത്ഥികള്‍ മരിച്ചതായി റിപ്പോർട്ട്. അപകടത്തില്‍പ്പെട്ട മറ്റ് രണ്ട് വിദ്യാര്‍ത്ഥികള്‍ ആശുപത്രിയില്‍ ചികിത്സയിലാണെന്ന് കാനഡയിലെ ഇന്ത്യന്‍ കമ്മീഷണര്‍ അജയ് ബിസാരിയ അറിയിക്കുകയുണ്ടായി.

മാര്‍ച്ച് 13 ന് ടൊറന്റോയ്ക്ക് സമീപമായിരുന്നു അപകടം ഉണ്ടായത്. ടൊറന്റോയിലെ കോണ്‍സുലേറ്റ് ജനറല്‍ ഓഫ് ഇന്ത്യയുടെ സംഘം അപകടത്തില്‍പ്പെട്ടവരുടെ സുഹൃത്തുക്കളുമായി സഹായത്തിനായി ബന്ധപ്പെടുണെന്നാണ് റിപ്പോർട്ടുകൾക് വ്യക്തമാക്കുന്നത്. മരണപ്പെട്ടവരുടെ കുടുംബങ്ങളോട് അജയ് ബിസാരിയ ട്വിറ്ററില്‍ അനുശോചനം രേഖപ്പെടുത്തുകയുണ്ടായി.

അതോടൊപ്പം തന്നെ അപകടത്തില്‍ മരിച്ച അഞ്ച് പേരും പഞ്ചാബ് സ്വദേശികളാണെന്നാണ് റിപ്പോര്‍ട്ട്. ഹര്‍പ്രീത് സിംഗ്, ജസ്പീന്ദര്‍ സിംഗ്, കരണ്‍പാല്‍ സിംഗ്, മോഹിത് ചൗഹാന്‍, പവന്‍ കുമാര്‍ എന്നിവരെയാണ് മരിച്ച വിദ്യാര്‍ത്ഥികളെ തിരിച്ചറിഞ്ഞതെന്ന് ക്വിന്റേ വെസ്റ്റ് ഒന്റാറിയോ പ്രൊവിന്‍ഷ്യല്‍ പോലീസ് അറിയിക്കുകയും ചെയ്തിട്ടുണ്ട്.