അമേരിക്കയില്‍ വീണ്ടും വെടിവയ്പ്പ്.... തോക്ക് ഉപയോഗം നിയന്ത്രിക്കണമെന്ന ആവശ്യം ശക്തമാകുന്നതിനിടെ വെടിവെപ്പ് തുടര്‍ക്കഥയാകുകയാണ് .വടക്കന്‍ മെറിലാന്‍ഡിലെ ഒരു നിര്‍മ്മാണ കേന്ദ്രത്തിലുണ്ടായ വെടിവെപ്പില്‍ മൂന്ന് പേര്‍ കൊല്ലപ്പെട്ടു. ഒരു ജീവനക്കാരന് ഗുരുതരമായി പരിക്കേറ്റു. ഇന്നലെയാണ് സംഭവം നടന്നത്.

സുരക്ഷാ ഉദ്യോഗസ്ഥരുടെ വെടിയേറ്റ് പരിക്കേറ്റ അക്രമിയെ കസ്റ്റഡിയിലെടുത്തതായി അധികൃതര്‍ അറിയിച്ചു. ഇയാളെ തിരിച്ചറിഞ്ഞിട്ടില്ല. ഏറ്റുമുട്ടലിനിടെ പരിക്കേറ്റ ഒരു സുരക്ഷാ ഉദ്യോഗസ്ഥനെയും പ്രാദേശിക ആശുപത്രിയില്‍ പ്രവേശിപ്പിച്ചു. ഭയക്കേണ്ട സാഹചര്യമില്ലെന്നും വെടിവെപ്പിലേക്ക് നയിച്ച കാരണങ്ങളെ കുറിച്ച് അന്വേഷണം തുടരുകയാണെന്നും പൊലീസ് .

വെടിവെപ്പിലേക്ക് നയിച്ച കാരണത്തെ കുറിച്ചുള്ള അന്വേഷണത്തില്‍ കമ്പനി അധികൃതരുമായി സഹകരിക്കുന്നുണ്ടെന്ന് കൊളംബിയ മെഷീന്‍ വക്താവ് പറഞ്ഞു.

100-ലധികം രാജ്യങ്ങളിലെ ഉപഭോക്താക്കള്‍ക്ക് കോണ്‍ക്രീറ്റ് നിര്‍മ്മാണ ഉപകരണങ്ങള്‍ വിതരണം ചെയ്യുന്ന കമ്പനിയിലാണ് വെടിവെപ്പുണ്ടായത്. എന്നാല്‍ വെടിവെപ്പ് നടക്കുമ്പോള്‍ എത്ര ജീവനക്കാര്‍ സ്ഥലത്തുണ്ടായിരുന്നുവെന്ന് പറയാന്‍ അദ്ദേഹം വിസമ്മതിച്ചു. ഈ മാസം മൂന്നിന് യുഎസിലെ രണ്ടിടങ്ങളില്‍ വെടിവെപ്പുണ്ടായിരുന്നു.


അമേരിക്കയില്‍ തുടര്‍ച്ചയായി നടക്കുന്ന കൂട്ടക്കൊലയില്‍ ആശങ്ക അറിയിച്ച് പ്രസിഡന്റ് ജോ ബൈഡന്‍. രാജ്യത്ത് ആയുധങ്ങള്‍ നിരോധിക്കണമെന്ന് ബൈഡന്‍ . പരിശോധനകള്‍ ശക്തമാക്കണമെന്നും ആയുധങ്ങള്‍ വാങ്ങാനുള്ള കുറഞ്ഞ പ്രായം 18 ല്‍ നിന്നും 21 ആക്കി മാറ്റണമെന്നും ബൈഡന്‍ . കുട്ടികളേയും കുടുംബാംഗങ്ങളേയും സംരക്ഷിക്കുന്നതിന് വേണ്ടിയാണിതെന്നും ബൈഡന്‍ .


രാജ്യത്തെ സുരക്ഷാ നിയമങ്ങള്‍ കര്‍ശനമാക്കണമെന്നും തോക്ക് നിര്‍മ്മാതാക്കളെ നിയന്ത്രിക്കണം. ആയുധങ്ങള്‍ ഉപയോഗിച്ച് ആക്രമണം നടത്തുന്നത് രാജ്യത്ത് നിരോധിക്കണം. ഉയര്‍ന്ന ശേഷിയുടെ ആയുധങ്ങളും നിരോധിക്കണമെന്ന് വൈറ്റ് ഹൗസില്‍ സംസാരിക്കുന്നതിനിടെ ബൈഡന്‍ പറഞ്ഞു. ജനങ്ങളെ തോക്ക് ഉപയോഗിക്കുന്നതില്‍ നിന്നും വിലക്കുകയല്ല, മറിച്ച് നിയന്ത്രണങ്ങള്‍ അനിവാര്യമാണെന്നും ബൈഡന്‍ വ്യക്തമാക്കി.
ആക്രമണങ്ങള്‍ തുടര്‍ക്കഥയായതോടെയാണ് ആയുധങ്ങള്‍ ഉപയോഗിക്കുന്നത് നിയന്ത്രിക്കാന്‍ നിയമം കൊണ്ടുവരാന്‍ ബൈഡന്‍ തീരുമാനിച്ചത്. യുഎസിലെ എല്ലാ കുടുംബങ്ങളേയും സംരക്ഷിക്കുന്നതിന് വേണ്ടിയാണ് നിയമങ്ങള്‍ കൊണ്ടുവരുന്നത് ആലോചിക്കുന്നത്. ഇത്തരം ആക്രമങ്ങള്‍ മനസാക്ഷിക്ക് നിരക്കാത്തതായാണ് താന്‍ കാണുന്നതെന്നും അതിനി അനുവദിക്കില്ലെന്നും ബൈഡന്‍ കൂട്ടിച്ചേര്‍ത്തു.