റോബോട്ടുകളുടെ ലോകത്ത് ചരിത്രം സൃഷ്ടിച്ച് പുതിയൊരു റോബോട്ട് കൂടെ വന്നിരിക്കുകയാണ്. ഏറെ സവിഷേശതകളുമായിട്ടാണ് ഈ റോബോട്ടിനെ അവതരിപ്പിച്ചിരിക്കുന്നത്. ടോക്കിയോ സർവ്വകലാശാലയിലെ ഒരു കൂട്ടം ഗവേഷകർ ചേർന്നാണ് പുതിയ റോബോട്ടിനെ കണ്ടെത്തിയത്. മനുഷ്യന്റേത് പോലുള്ള രൂപവും ഭാവവുമാണ് റോബോട്ടിനുള്ളത്. ടിഷ്യു-എൻജിനീയർ ചെയ്ത ചർമ്മത്താൽ ഉണ്ടാക്കിയ റോബോട്ടുകളെ സൃഷ്ടിക്കുന്നതിനുള്ള ഒരു ബയോഹൈബ്രിഡ് വിദ്യയാണ് അവതരിപ്പിച്ചിരിക്കുന്നത്.

ഹൈഡ്രോജൽ എന്നറിയപ്പെടുന്ന കട്ടി കുറഞ്ഞ കൊളാജൻ മാട്രിക്‌സിൽ നിന്നും സിന്തറ്റിക് ചർമ്മം നിർമ്മിച്ചിരിക്കുകയാണ്. അതിനുള്ളിൽ ഫൈബ്രോബ്ലാസ്റ്റ്, കെരാറ്റിനോസൈറ്റ് എന്ന് വിളിക്കപ്പെടുന്ന നിരവധി തരം ജീവനുള്ള ചർമ്മകോശങ്ങൾ വളരുന്നുണ്ട്. റോബോട്ടിക്സും ടിഷ്യു കൾച്ചറിംഗും യോജിപ്പിക്കുന്ന ആദ്യത്തെ സംഭവമായിട്ട് ഇത് മാറിയിരിക്കുകയാണ്.

റോബോട്ടിന്റെ വിരലിൽ ജീവനുള്ള കോശങ്ങളുണ്ട്. അതിന് മുകളിൽ അതിനനുസൃതമായ ശക്തി നൽകുവാനായി വളർത്തുന്ന ജൈവവസ്തുക്കളുമുണ്ട്. ഈ ചർമ്മത്തിന് സ്വയം സുഖപ്പെടുത്താൻ സാധിക്കുമെന്നതാണ് സവിശേഷത. ടച്ച് കൺട്രോൾഡ് അല്ലെങ്കിൽ സെൻസിറ്റീവായ ആപ്ലിക്കേഷനുകളിൽ ഇത് ഉപയോഗിക്കാനാകും. ചർമ്മം മനുഷ്യനെപ്പോലെയാകുന്നു .

മാത്രമല്ല സ്വയം രോഗശാന്തി നേടാനാകും. പരമ്പരാഗത റോബോട്ടിക്‌സിൽ നിന്ന് ബയോഹൈബ്രിഡ് റോബോട്ടിക്‌സിന്റെ പുതിയ സ്‌കീമിലേക്കുള്ള മാറ്റമാണ് ഇതിലൂടെ വ്യക്തമാകുന്നത്. ഗവേഷകർ സൗന്ദര്യവർദ്ധക വസ്തുക്കളുടെയും, മയക്കുമരുന്നുകളുടെയും ഗവേഷണത്തിനും പരിശോധനയ്‌ക്കും ത്രീ ഡയമെൻഷണൽ മോഡലുകൾ വ്യാപകമായി ഉപയോഗിച്ചിരുന്നു. പക്ഷേ ഇത്തരത്തിലൊരു റോബോട്ടിൽ ആദ്യമായാണ് ഇത്തരം വസ്തുക്കൾ ഉപയോഗിച്ചിരിക്കുന്നത് എന്നതാണ് സവിശേഷമായ മറ്റൊരു കാര്യം. മാറ്റർ എന്ന ജേണലിലാണ് ഇത് പ്രസിദ്ധീകരിച്ചിരിക്കുന്നത്.