പാകിസ്ഥാന്‍ മുന്‍ പ്രസിഡന്റ് ജനറല്‍ പര്‍വേസ് മുഷാറഫിന്റെ മടങ്ങി വരവ് അസാധ്യമെന്ന് കുടുംബം. ഔദ്യോഗിക ട്വിറ്റര്‍ അക്കൗണ്ടില്‍ നിന്ന്, അദ്ദേഹം ഇപ്പോള്‍ വെന്റിലേറ്ററില്‍ ഇല്ലെന്ന് കുടുംബം അറിയിച്ചു. 'പാകിസ്ഥാന്‍ മുന്‍ പ്രസിഡന്റിന്റെ നില ഗുരുതരമായി തുടരുകയാണ്. അവയവങ്ങള്‍ കാര്യക്ഷമമായി പ്രവര്‍ത്തിക്കാത്തതിനാല്‍ രോഗം ഭേദമാകുമെന്ന പ്രതീക്ഷയില്ല.അതീവ സങ്കീര്‍ണമായ സാഹചര്യത്തിലൂടെയാണ് കടന്നുപോകുന്നത്. അദ്ദേഹത്തിന്റെ ജീവന് വേണ്ടി പ്രാര്‍ത്ഥിക്കണം.'- എന്നാണ് കുടുംബം അറിയിച്ചിരിക്കുന്നത്.

അമിലോയിഡോസിസ് എന്ന അസുഖത്തെ തുടര്‍ന്ന് കഴിഞ്ഞ മൂന്നാഴ്ചയായി ആശുപത്രിയില്‍ ചികിത്സയിലാണ് മുഷാറഫ്.പാക്കിസ്ഥാന്റെ പത്താമന്റെ പ്രധാനമന്ത്രിയായിരുന്നു. 1999 ലാണ് പട്ടാള അട്ടിമറി നടത്തി പർവേസ് മുഷാറഫ് പാക്കിസ്ഥാനിൽ അധികാരത്തിലേറിയത്. 2008 ഓഗസ്റ്റ് എട്ടിനാണ് അദ്ദേഹം രാജ്യത്തെ അധികാരം ഒഴിഞ്ഞത്.

പിന്നീട് വിദേശത്തേക്ക് പോവുകയായിരുന്നു. നാല് വർഷം വിദേശത്ത് താമസിച്ച മുഷാറഫ് 2013 മാർച്ച് മാസത്തിൽ പാക്കിസ്ഥാനിലേക്ക് തിരിച്ചെത്തി. പിന്നീടുള്ള തെരഞ്ഞെടുപ്പിൽ മത്സരിക്കാനായിരുന്നു ശ്രമമെങ്കിലും രണ്ട് മണ്ഡലങ്ങളിൽ സമർപ്പിച്ച പത്രികകളും തള്ളപ്പെട്ടതോടെ ശ്രമം പരാജയപ്പെടുകയായിരുന്നു.