വിവാദങ്ങൾക്ക് വിരാമം കുറിച്ച് സല്‍മാന്‍ രാജാവിന്റെ ക്ഷണം സ്വീകരിച്ച് അമേരിക്കൻ പ്രസിഡന്റ് ജോ ബൈഡന്‍ സൗദി അറേബ്യ സന്ദർശിക്കുമെന്ന് റിപ്പോർട്ട്. അടുത്ത മാസം 15,16 തീയതികളിൽ ആയിരിക്കും ബൈഡന്റെ സന്ദർശനം നടക്കുക എന്നാണ് സൂചന. ലോകമെമ്പാടുമുള്ള നടന്നു കൊണ്ടിരിക്കുന്ന വിവിധ വിഷയങ്ങലിലെ വെല്ലുവിളികൾ കൂടുക്കാഴ്ചയിൽ ചർച്ച ചെയ്യുന്നതാണ്. ഇവ നേരിടുന്നതിലേക്കുളള വ്യത്യസ്ത മാര്‍ഗ്ഗങ്ങളും യോഗത്തിൽ ചർച്ച ചെയ്യും എന്നാണ് ലഭ്യമാകുന്ന വിവരം. ഭരണാധികാരി സല്‍മാന്‍ രാജാവും കിരീടാവകാശി മുഹമ്മദ് ബിന്‍ സല്‍മാനുമായും ആയിട്ടും കൂടിക്കാഴ്ച നടക്കുക.

അതോടൊപ്പം തന്നെ 2 ദിവസത്തെ സന്ദർശനത്തിന് എത്തുന്ന ബൈഡൻ രണ്ടാം ദിവസം സല്‍മാന്‍ രാജാവ് വിളിച്ചു ചേര്‍ക്കുന്ന സംയുക്ത ഉച്ചകോടിയില്‍ പങ്കെടുക്കുന്നതാണ്. ബൈഡനാപ്പം, ജി സി സി നേതാക്കള്‍, ജോര്‍ദാന്‍ രാജാവ്, ഈജിപ്ത് പ്രസിഡന്റ്, ഇറാഖ് പ്രധാനമന്ത്രി എന്നിവരും ഉച്ചകോടിയില്‍ പങ്കെടുക്കുമെന്നാണ് റിപ്പോർട്ടുകൾ ചൂണ്ടിക്കാണിക്കുന്നത്.

അതേസമയം, ഈ വാർത്ത നേരത്തെ തന്നെ യു എസ് മാധ്യമങ്ങൾ റിപ്പോർട്ട് ചെയ്തിരുന്നു. അന്നുളള റിപ്പോർട്ടുകളിൽ എല്ലാം ബൈഡന്റെ യാത്ര ജൂലൈ 13 നും 16 നും ഇടയിൽ നടക്കുമെന്ന് വ്യക്തമാക്കുകയും ചെയ്തിരുന്നു. ഇതുകൂടാതെ ഇസ്രായേലും അധിനിവേശ വെസ്റ്റ് ബാങ്കും ബൈഡൻ സന്ദർശിക്കും.