പ്രസിഡന്റ് ഗോതബായ രാജപക്‌സെ രാജിവെച്ചൊഴിയാത്തതില്‍ പ്രതിഷേധിച്ച് ജനങ്ങള്‍ വീണ്ടും തെരുവില്‍. പ്രതിഷേധക്കാര്‍ പ്രധാനമന്ത്രിയുടെ ഓഫീസ് വളഞ്ഞിരിക്കുകയാണ്. ഇതിനെ തുടര്‍ന്ന് ശ്രീലങ്കയില്‍ വീണ്ടും കര്‍ഫ്യൂ പ്രഖ്യാപിച്ചിരിക്കുകയാണ്.

സാമ്പത്തിക പ്രതിസന്ധിക്ക് കാരണം നിലവിലെ സര്‍ക്കാരാണെന്നും പ്രസിഡന്റ് രാജിവെച്ചൊഴിയാതെ പിന്നോട്ടില്ലെന്നും പ്രതിഷേധക്കാര്‍ അറിയിച്ചു. പ്രതിഷേധക്കാര്‍ ശ്രീലങ്കന്‍ പാര്‍ലമെന്റും പ്രധാനമന്ത്രിയുടെ ഓഫീസും വളഞ്ഞിരിക്കുകയാണ്. ഇതോടെ പ്രധാനമന്ത്രിയുടെ ഓഫീസിന് ചുറ്റും സുരക്ഷതീര്‍ത്ത് സൈന്യം നിലയുറപ്പിച്ചിരിക്കുകയാണ്. പ്രസിഡന്റ് എപ്പോള്‍ രാജിവെക്കുന്നോ അതുവരെ പ്രതിഷേധം തുടരുമെന്നാണ് സമരക്കാര്‍ വ്യക്തമാക്കുന്നത്.

ഇതുവരെ പ്രസിഡന്റെിന്റെ കൊട്ടാരം, ഓഫീസ്, പ്രധാനമന്ത്രിയുടെ ഓഫീസ് എന്നിവിടങ്ങളിലായിരുന്നു പ്രതിഷേധം അരങ്ങേറിയത്. അതാണ് പാര്‍ലമെന്റ് മന്ദിരത്തിലേക്കും വ്യാപിച്ചത്. അധികാരത്തില്‍ അള്ളിപ്പിടിച്ചിരിക്കുന്ന ഗോത്തബായ രാജി നല്‍കാതെ കൊട്ടാരം വിടില്ലെന്നാണ് പ്രക്ഷോഭകാരികളുടെ തീരുമാനം.

പ്രസിഡന്റ് ഗോതബായ രാജപക്‌സെ ഇന്ന് രാജിവെയ്ക്കുമെന്നായിരുന്നു ആദ്യം അറിയിച്ചിരുന്നത്. എന്നാല്‍ അവസാന നിമിഷം പ്രസിഡന്റ് ചില ഉപാധികള്‍ മുന്നോട്ട് വയ്ക്കുകയും ശേഷം ബുധനാഴ്ച പുലര്‍ച്ചയോടെ പ്രതിഷേധക്കാരുടെ കണ്ണുവെട്ടിച്ച് അദ്ദേഹം മാലി ദ്വീപിലേക്ക് കടക്കുകയുമായിരുന്നു. രണട്് അംഗരക്ഷകര്‍ക്കും കുടുംബത്തോടൊപ്പവുമാണ് ഗോതബായ രാജ്യം വിട്ടത്.

അതേസമയം പ്രസിഡന്റ് ഗോതബായ രജപക്‌സെയ്ക്ക് രാജ്യം വിടാന്‍ സഹായം നല്‍കിയെന്ന ആരോപണങ്ങള്‍ തള്ളി ഇന്ത്യ. ഭാരതം എന്നും ശ്രീലങ്കന്‍ ജനതയ്‌ക്കൊപ്പമാണെന്ന് ശ്രീലങ്കയിലെ ഇന്ത്യന്‍ ഹൈക്കമ്മീഷണര്‍ വ്യക്തമാക്കി. രജപക്‌സെ മാലിദ്വീപിലേക്ക് കടന്നതിന് പിന്നാലെ ഇന്ത്യ സഹായം നല്‍കിയെന്ന തരത്തില്‍ ചില മാദ്ധ്യമങ്ങള്‍ വാര്‍ത്ത പ്രചരിപ്പിച്ചിരുന്നു. ഇതിന് പിന്നാലെ പ്രചരിക്കുന്നത് അടിസ്ഥാന രഹിതമായ വസ്തുതയാണെന്ന് വ്യക്തമാക്കി ഇന്ത്യന്‍ ഹൈക്കമ്മീഷണര്‍ രംഗത്ത് എത്തുകയായിരുന്നു.

റനില്‍ വിക്രമസിംഗെ ശ്രീലങ്കയില്‍ ഇടക്കാല പ്രസിഡന്റായി ചുമതയേറ്റു. ആഭ്യന്തര പ്രശ്‌നങ്ങളെ തുടര്‍ന്ന് ഗോതബായ രാജപക്‌സെ ബുധനാഴ്ച രാജ്യം വിട്ട് മാലിദ്വീപിലേക്ക് പോയതിന് പിന്നാലെയാണ് ആക്ടിങ് പ്രസിഡന്റായി പ്രധാനമന്ത്രി റനില്‍ വിക്രമസിംഗെ ചുമതലയേല്‍ക്കുകയായിരുന്നു. അതിനു പിന്നാലെ വിക്രമ സിംഗെയുടെ വീടിന് മുന്നിലെ സുരക്ഷ സൈന്യം ശക്തമാക്കി.

പ്രസിഡന്റ് ഗോതബായ രാജപക്‌സെ ബുധനാഴ്ച രാജിവെച്ചൊഴിയുമെന്നാണ് സ്പീക്കര്‍ കഴിഞ്ഞ ദിവസം അറിയിച്ചത്. എന്നാല്‍ പുലര്‍ച്ചയോടെ കുടുംബാംഗങ്ങള്‍ക്കും രണ്ട് അംഗ രക്ഷകര്‍ക്കുമൊപ്പം അദ്ദേഹം മാലിദ്വീപിലേക്ക് കടക്കുകയായിരുന്നു. ഇതോടെ ജനം തെരുവിലിറങ്ങി പ്രതിഷേധിക്കുകയാണ്. പ്രതിഷേധക്കാര്‍ പ്രധാനമന്ത്രിയുടെ ഓഫീസും രാഷ്ട്രപതിയുടെ കൊട്ടാരവും വളഞ്ഞിരിക്കുകയാണ്. ഇതിനെ തുടര്‍ന്ന് ശ്രീലങ്കയില്‍ അടിയന്തിരാവസ്ഥ പ്രഖ്യാപിച്ചു. പ്രധാനമന്ത്രിയുടെ ഓഫീസാണ് ഇക്കാര്യം പുറത്തുവിട്ടത്.

സാമ്പത്തിക പ്രതിസന്ധിക്ക് കാരണം നിലവിലെ സര്‍ക്കാരാണെന്നും പ്രസിഡന്റ് രാജിവെച്ചൊഴിയാതെ പിന്നോട്ടില്ലെന്നാണ് പ്രതിഷേധക്കാരുടെ തീരുമാനം. ഇതോടെ പ്രധാനമന്ത്രിയുടെ ഓഫീസിന് ചുറ്റും സുരക്ഷതീര്‍ത്ത് സൈന്യം നിലയുറപ്പിച്ചിരിക്കുകയാണ്.അധികാരത്തില്‍ അള്ളിപ്പിടിച്ചിരിക്കുന്ന ഗോത്തബായ രാജി നല്‍കാതെ കൊട്ടാരം വിടില്ലെന്ന തീരുമാനത്തിലാണ് പ്രക്ഷോഭകാരികള്‍.