പകച്ച് ഇന്ത്യന് മെഡിക്കല് വിദ്യാര്ഥികള്..... യുദ്ധഭൂമിയില് നിന്ന് രക്ഷപ്പെട്ട് നാട്ടിലെത്തി ഓണ്ലൈന് ക്ലാസുകളെ ആശ്രയിച്ചു മുന്നോട്ടു പോയിരുന്ന വിദ്യാര്ഥികള് അനിശ്ചിതത്വത്തില്.... പഠനം തുടരണമെങ്കില് നേരിട്ടെത്തണമെന്ന് യുക്രൈന് സര്വകലാശാലകള്
യുദ്ധഭൂമിയില് നിന്ന് രക്ഷപ്പെട്ട് നാട്ടിലെത്തി ഓണ്ലൈന് ക്ലാസുകളെ ആശ്രയിച്ചു മുന്നോട്ടു പോയിരുന്ന വിദ്യാര്ഥികള് അനിശ്ചിതത്വത്തില്....പഠനം തുടരണമെങ്കില് നേരിട്ടെത്തണമെന്ന് യുക്രൈന് സര്വകലാശാലകള്.
അടുത്ത അധ്യയന വര്ഷം സെപ്റ്റംബറിലാണ് ക്ലാസുകള് തുടങ്ങുക. യുദ്ധഭൂമിയില് നിന്ന് രക്ഷപ്പെട്ട് നാട്ടിലെത്തി ഓണ്ലൈന് ക്ലാസുകളെ ആശ്രയിച്ചു മുന്നോട്ടു പോയിരുന്ന വിദ്യാര്ഥികളെയാണ് ഇപ്പോഴത്തെ അറിയിപ്പ് അനിശ്ചിതത്വത്തിലാക്കിയിരിക്കുന്നത്. യുക്രൈനിലെ ഇന്ത്യന് എംബസി അധികൃതരെ ഇക്കാര്യം അറിയിച്ചപ്പോള് യുക്രൈനിലേക്ക് യാത്ര ചെയ്യാനുള്ള സാഹചര്യമായിട്ടില്ലെന്നും കോളേജ് അധികൃതര് ഇക്കാര്യത്തില് അറിയിപ്പൊന്നും നല്കിയിട്ടില്ലെന്നുമാണ് ഇന്ത്യന് എംബസിയില്നിന്ന് വിദ്യാര്ഥികള്ക്ക് ലഭിച്ച സന്ദേശം.
എന്നാല് ഓണ്ലൈന് ക്ലാസുകള് ഉണ്ടാവില്ലെന്ന വിവരം കോളേജുകളില് നിന്ന് വിദ്യാര്ഥികള്ക്ക് വന്നുകൊണ്ടിരിക്കുന്നുണ്ട്. പരിഹാരം വൈകിയാല് വിദ്യാര്ഥികളുടെ ഒരുവര്ഷം നഷ്ടപ്പെട്ടേക്കും.
യുദ്ധമുഖത്തുനിന്ന് പെട്ടെന്ന് മടങ്ങേണ്ടി വന്നതിനാല് മിക്കവര്ക്കും പ്ലസ്ടുവിന്റെ ഉള്പ്പെടെയുള്ള സര്ട്ടിഫിക്കറ്റുകളോ ട്രാന്സ്ഫര് സര്ട്ടിഫിക്കറ്റോ നേടാന് കഴിഞ്ഞിട്ടുമില്ല ഇക്കാരണത്താല് മറ്റൊരു കോഴ്സിന് ചേരാനും കഴിയുന്നില്ല. വിദ്യാര്ഥികള് നാട്ടിലെത്തിയശേഷം മേയ് വരെ ഇവര്ക്ക് ഓണ്ലൈനില് ക്ലാസുകള് ഉണ്ടായിരുന്നു. ജൂണ്, ജൂലായ്, ഓഗസ്റ്റ് മാസങ്ങള് യുക്രൈനില് അവധിക്കാലമായതിനാല് ക്ലാസുകള് ഇല്ല.
യുക്രൈനില്നിന്ന് മടങ്ങിയെത്തിയ വിദ്യാര്ഥികള്ക്ക് ഇന്ത്യയിലെ മെഡിക്കല് സര്വകലാശാലകളില് തുടര്പഠനത്തിന് സൗകര്യമൊരുക്കണമെന്നാവശ്യപ്പെട്ട് പ്രധാനമന്ത്രി ഉള്പ്പെടെയുള്ളവര്ക്ക് നിവേദനം നല്കിയതായി ഓള് കേരള യുക്രൈന് മെഡിക്കല് സ്റ്റുഡന്റ്സ് ആന്ഡ് പേരന്റ്സ് അസോസിയേഷന് പ്രസിഡന്റ് പറഞ്ഞു. യുദ്ധം തുടരുന്നതിനാല് വിദ്യാര്ഥികള്ക്ക് യുക്രൈനിലേക്ക് മടങ്ങാനാവില്ല. ഇതിനാല് ഇന്ത്യയില്തന്നെ പഠനത്തിന് സൗകര്യമൊരുക്കുകയാണ് ഏക പരിഹാരം.
https://www.facebook.com/Malayalivartha
