യുക്രെയ്‌നില്‍ ആണവായുധം പ്രയോഗിക്കേണ്ടി വരില്ലെന്ന് റഷ്യന്‍ പ്രസിഡന്റ് വ്‌ലാദിമിര്‍ പുടിന്‍. യുക്രെയ്‌നില്‍ ആണവായുധ പ്രയോഗം ഭീഷണി നിലനില്‍ക്കുന്നതിനിടെയാണ് പുടിന്റെ പ്രതികരണം.

യുക്രെയ്‌നില്‍ ആണവ ആക്രമണം ഉണ്ടാവുമെന്ന ആശങ്ക യു.എസും യുറോപ്യന്‍ രാജ്യങ്ങളും പങ്കുവെച്ചിട്ടുണ്ടായിരുന്നു .രണ്ടാം ലോക യുദ്ധത്തിന് ശേഷമുള്ള ഏറ്റവും അപകടകരമായ പതിറ്റാണ്ടിലൂടെയാണ് ലോകം കടന്നു പോകുന്നതെന്നും അദ്ദേഹം പറഞ്ഞു. പാശ്ചാത്യ ശക്തികള്‍ ലോകത്തുള്ള മേധാവിത്വം നിലനിര്‍ത്താനുള്ള ശ്രമത്തിലാണ്. ഇതിനായി വ്യത്തികെട്ടതും അപകടംപിടിച്ചതുമായ രക്തം കൊണ്ടുള്ള കളി അവര്‍ കളിക്കുകയാണെന്നും പുടിന്‍ .

ലോകത്തിനുമേല്‍ പാശ്ചാത്യരാജ്യങ്ങള്‍ക്കുളള ശക്തിയില്‍ കുറവുണ്ടാവാന്‍ പോവുകയാണ്. ചരിത്രപരമായ ആ ദൗത്യത്തിന് മുന്നില്‍ റഷ്യ നില്‍ക്കും.

നാറ്റോയോട് പാശ്ചാത്യ രാജ്യങ്ങളോട് പറയാനുള്ളത് ശത്രുക്കളെ ഉണ്ടാക്കുന്നത് നിര്‍ത്തുകയെന്നതാണ്. നമുക്ക് ഒരുമിച്ച് മുന്നേറാമെന്നുള്ളതാണ് റഷ്യയുടെ മുദ്രവാക്യമെന്നും പുടിന്‍ .