ഇസ്ലാമിക മതമൗലിക സര്‍ക്കാരിന് ലോകകപ്പ് മൈതാനത്ത് ചുട്ടമറുപടി!ഇറാന്‍ താരങ്ങളുടെ മാസ് നീക്കം!ഹിജാബ് പ്രതിഷേധം ആളികത്തുന്നു! ഹിജാബ് പ്രക്ഷോഭത്തിന് പിന്തുണ; ദേശീയഗാനത്തെ അവഗണിച്ച് ഇറാന്‍ താരങ്ങള്‍
ഇറാനില്‍ ഹിജാബ് പ്രക്ഷോഭം ആളിക്കത്തുന്നു. സ്ത്രീകള്‍ നടത്തുന്ന ഹിജാബ് പ്രക്ഷോഭം അടിച്ചമര്‍ത്തുന്ന ഇസ്ലാമിക മതമൗലിക സര്‍ക്കാരിന് ലോകകപ്പ് മൈതാനത്ത് ചുട്ടമറുപടി നല്‍കി ഇറാന്‍ താരങ്ങള്‍ മാതൃകയാകുന്നു.
അതേസമയം ഇറാനില്‍ നടക്കുന്ന സര്‍ക്കാര്‍ വിരുദ്ധ പ്രക്ഷോഭത്തിന് ഐക്യദാര്‍ഢ്യം പ്രഖ്യാപിച്ച് ഫിഫ ലോകകപ്പ് വേദിയില്‍ ദേശീയ ഗാനത്തെ അവഗണിച്ചാണ് സര്‍ക്കാരിനെതാരായ പ്രക്ഷോഭം താരങ്ങള്‍ പ്രകടിപ്പിച്ചിരിക്കുന്നത്. മാത്രമല്ല ഇംഗ്ലണ്ടിനെതിരായ ആദ്യ മത്സരത്തിനു മുന്‍പാണ് ഇറാന്‍ ടീം അംഗങ്ങള്‍ ദേശീയ ഗാനം ആലപിക്കുന്നതില്‍നിന്നു വിട്ടുനിന്നത്.
കൂടാതെ മത്സരത്തിനു മുന്‍പ് ദേശീയ ഗാനം ആലപിക്കുന്ന കാര്യത്തില്‍ കൂട്ടായ തീരുമാനം എടുക്കുമെന്ന് ഇറാന്‍ ക്യാപ്റ്റന്‍ അലിറെസ് ജഹന്‍ബക്ഷെ അറിയിച്ചിരുന്നു. തുടർന്ന് ദോഹയിലെ ഖലീഫ ഇന്റര്‍നാഷനല്‍ സ്‌റ്റേഡിയത്തില്‍ ദേശീയഗാനം മുഴങ്ങിയപ്പോള്‍ ഇറാന്‍ താരങ്ങള്‍ അവഗണനയോടെ നില്‍ക്കുകയായിരുന്നു. പിന്നാലെ ഗ്രൗണ്ടില്‍ ഉണ്ടായിരുന്ന കാണികളും നിറഞ്ഞ കൈയടിയോടെയാണ് താരങ്ങളുടെ പ്രതിഷേധത്തെ സ്വാഗതം ചെയ്തത്. സമൂഹ മാധ്യമങ്ങളിൽ ഈ വീഡിയോ ഇപ്പോൾ ശ്രദ്ധ നേടുകയാണ്.
https://www.facebook.com/Malayalivartha
