റഷ്യൻ പ്രസിഡന്റ് വ്‌ളാഡിമർ പുട്ടിനെ അദ്ദേഹത്തിന്റെ അടുപ്പക്കാരിൽ ഒരാൾ തന്നെ ഒരിക്കൽ കൊലപ്പെടുത്തുമെന്ന പ്രവചനവുമായി യുക്രെയ്ൻ പ്രസിഡന്റ് വൊളോഡിമിർ സെലൻസ്കി രംഗത്തെത്തിയിരിക്കുകയാണ് . യുക്രെയ്ൻ യുദ്ധത്തിന്റെ വാർഷികത്തിന്റെ പശ്ചാത്തലത്തിൽ ‘ഇയർ’  എന്ന പേരിൽ പുറത്തിറങ്ങിയ യുക്രെയ്ൻ ഡോക്യുമെന്ററിയിലാണ് സെലെൻസ്കി ഇക്കാര്യം പറഞ്ഞിരിക്കുന്നത്.

 റഷ്യയുടെ യുക്രെയ്ൻ അധിനിവേശത്തിന്റെ ഒന്നാം വാർഷികമായിരുന്ന വെള്ളിയാഴ്ചയാണ്  ഡോക്യുമെന്ററി പുറത്തുവന്നത്. റഷ്യൻ പ്രസിഡന്റ് സ്ഥാനത്ത് പുട്ടിൻ ദുർബലനാകുന്ന സമയം വരുമെന്നും, ആ സമയത്ത് അടുപ്പക്കാരിൽ ആരെങ്കിലും പുട്ടിനെ കൊലപ്പെടുത്തുമെന്നുമാണ് സെലൻസ്കി ഡോക്യുമെന്ററിയിൽ അവകാശപ്പെടുന്നത്.

എന്നാൽ  പുടിനെ തൊടാനാവില്ലെന്നും റഷ്യ അങ്ങനെയൊന്നും തോൽക്കില്ലെന്നുമാണ് സമൂഹമാധ്യമങ്ങലിൽ വരുന്ന പ്രതികരണങ്ങൾ. ‘‘പുട്ടിന്റെ ഭരണം ദുർബലമാകുന്നതായി രാജ്യം മനസ്സിലാക്കുന്ന ഒരു സമയം തീർച്ചയായും വരും. അന്ന് വേട്ടക്കാർ ചേർന്ന് ആ വേട്ടക്കാരനെ തീർക്കും. ഒരു കൊലപാതകിയെ കൊലപ്പെടുത്താൻ അവർ കാരണം തേടും.

കോംറോവിന്റെയും സെലെൻസ്കിയുടെയും വാക്കുകൾ തീർച്ചയായും അവർ ഓർമിക്കും. കൊലപാതകിയെ തീർക്കാൻ അവർക്കു കാരണം ലഭിക്കും. ഇത് നടക്കുമോ? തീർച്ചയായും നടക്കുമെന്നാണ് ഉത്തരം. എപ്പോൾ? അത് എനിക്കറിയില്ല’ – സെലൻസ്കി  ഇങ്ങനെ പറഞ്ഞതായി ‘ന്യൂസ് വീക്ക്’ പത്രം റിപ്പോർട്ട് ചെയ്തു.

പുട്ടിനെതിരെ അദ്ദേഹത്തിന്റെ വേണ്ടപ്പെട്ടവരുടെ ഇടയിൽ അതൃപ്തി വളരുന്നതായി റിപ്പോർട്ടുകൾ പ്രചരിക്കുന്നതിനിടെയാണ്, അടുത്ത ആൾക്കാരിലൊരാൾ അദ്ദേഹത്തെ വധിക്കുമെന്ന സെലൻസ്കിയുടെ മുന്നറിയിപ്പ്. യുക്രെയ്ൻ യുദ്ധമുഖത്ത് റഷ്യൻ സൈനികർ പരാതിപ്പെടുകയും പൊട്ടിക്കരയുകയും ചെയ്യുന്ന വിഡിയോ ദൃശ്യങ്ങൾ പുറത്തുവന്നതോടെ, പുട്ടിനെതിരെ അടുത്ത വൃത്തങ്ങളിൽ അതൃപ്തി വ്യാപകമാണെന്ന് ‘ദ് വാഷിങ്ടൻ പോസ്റ്റും റിപ്പോർട്ട് ചെയ്തിരുന്നു.

യുദ്ധത്തിൽ പുടിന്റെ ഒപ്പമുള്ളവർ നിരാശയിലാണെന്ന് റിപ്പോർട്ടുകൾ സൂചിപ്പിക്കുന്ന സമയത്താണ് ഈ അഭിപ്രായങ്ങൾ. വാഷിംഗ്ടൺ പോസ്റ്റ് റിപ്പോർട്ട് അനുസരിച്ച്, പുടിന്റെ ഏറ്റവും അടുത്ത സഖ്യകക്ഷികൾ നിലവിലെ യുദ്ധാവസ്ഥയിൽ തൃപ്തരല്ല, കാരണം യുദ്ധമുന്നണിയിലെ സൈനികർ പരാതിപ്പെടുകയും കരയുകയും ചെയ്യുന്നതായി കാണിക്കുന്ന വീഡിയോകൾ വന്നിരുന്നു.

എന്നിരുന്നാലും,  മിക്കവാറും എല്ലാ മുതിർന്ന ഉദ്യോഗസ്ഥരും അവരുടെ സ്ഥാനത്ത് തുടരുന്നത് പുടിന്റെ പിൻതുണയോടെ ആണെന്നതിനാൽ   ഇത് സംഭവിക്കാൻ സാധ്യതയില്ലെന്നാണ് വിദഗ്ധർ പറയുന്നത്. അവരൊക്കെ അദ്ദേഹത്തോട് കടപ്പെട്ടിരിക്കുന്നതിനാൽ അദ്ദേഹത്തിനെതിരെ നീങ്ങാൻ സാധ്യതയില്ലെന്ന്  ഈ രംഗത്തെ വിദഗ്ധർ പറയുന്നു. ഉക്രെയ്‌നെ കീഴ്‌പ്പെടുത്താനുള്ള തന്റെ സൈന്യത്തിന്റെ കഴിവിൽ പുടിന് “വളരെ ആത്മവിശ്വാസം” ഉണ്ടെന്ന് CIA മേധാവി പറഞ്ഞു. "തനിക്ക് വേണ്ടി സമയം വഴിമാറും.

 യുക്രേൻ ക്കാരെ തകർക്കാൻ കഴിയും., നമ്മുടെ യൂറോപ്യൻ സഖ്യകക്ഷികളെ തളർത്താൻ കഴിയും.വ്ലാദിമിർ പുടിന്  ഇതിലൊക്കെ വിശ്വാസമുണ്ടെന്ന് CIA മേധാവി വില്യം ബേൺസ് പറഞ്ഞു..