ഷോപ്പിംഗ്‌ സെന്ററിലുണ്ടായ തീവ്രവാദ ആക്രമണം; കെനിയന്‍ സര്‍ക്കാര്‍ അന്വോഷണത്തിന്‌ ഉത്തരവിട്ടു
02 OCTOBER 2013 01:45 AM IST
മലയാളി വാര്‍ത്ത.
കെനിയന്‍ തലസ്ഥാനമായ നെയ്‌റോബിയിലെ വെസ്റ്റ്‌ഗേറ്റ്‌ ഷോപ്പിംഗ്‌ സെന്ററിലുണ്ടായ തീവ്രവാദ ആക്രമണത്തില്‍ സൈന്യത്തിനും സുരക്ഷാസേനയ്‌ക്കും ഉണ്ടായ വീഴ്‌ചയെക്കുറിച്ച്‌ അന്വേഷിക്കാന്‍ സര്‍ക്കാര്‍ ഉത്തരവിട്ടു. കെനിയന്‍ പ്രസിഡന്റ് ഉഹുറു കെന്യാത്തയാണ്‌ ഉത്തരവിട്ടത്‌. തീവ്രവാദികളെ ഇതിലും ശക്തമായി നേരിടാനാകുമായിരുന്നോ എന്നാണ്‌ പരിശോധിക്കുക. പ്രത്യേക അന്വേഷണ സമിതിയായിരിക്കും ഇക്കാര്യം അന്വേഷിക്കുക. മൂന്ന്‌ ഇന്ത്യക്കാര്‍ ഉള്‍പ്പെടെ 67 പേര്‍ ആക്രമണത്തില്‍ കൊല്ലപ്പെട്ടിരുന്നു. നാല്‌ ദിവസങ്ങളെടുത്താണ്‌ ഷോപ്പിംഗ്‌ സെന്ററില്‍ നിന്ന് തീവ്രവാദികളെ പൂര്‍ണമായി തുരത്തിയത്‌. ഇതിനിടെ ഷോപ്പിംഗ്‌ സെന്ററിലുണ്ടായിരുന്നവരെ ബന്ദികളാക്കി വെച്ചും സൈനിക മുന്നേറ്റം തീവ്രവാദികള്‍ തടഞ്ഞിരുന്നു. അല്‍ ഷബാബ്‌ എന്ന തീവ്രവാദ സംഘം ആക്രമണത്തിന്റെ ഉത്തരവാദിത്വമേറ്റിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
