ജര്മനിയിലെ മ്യൂണിക്ക് ഇംഗ്ലിഷ് ഗാര്ഡനിലെ ഐസ്ബാഹ് നദിയില് നീന്താനിറങ്ങിയ മലയാളി വിദ്യാര്ഥി നിതിന് തോമസ് അലക്സിന്റെ മൃതദേഹം കണ്ടെത്തി
ജര്മനിയിലെ മ്യൂണിക്ക് ഇംഗ്ലിഷ് ഗാര്ഡനിലെ ഐസ്ബാഹ് നദിയില് നീന്താനിറങ്ങിയ മലയാളി വിദ്യാര്ഥി നിതിന് തോമസ് അലക്സിന്റെ മൃതദേഹം കണ്ടെത്തി.
കണ്ടെത്തിയ മൃതദേഹം തിരിച്ചറിയാനായി കഴിയാത്ത വിധത്തിലായിരുന്നു. ഒടുവില് മ്യൂണിക്ക് പൊലീസ് ആളെ തിരിച്ചറിയാന് ഡിഎന്എ ടെസ്റ്റ് ഉള്പ്പടെയുള്ളവ നടത്തിയിട്ടുണ്ടായിരുന്നു. ഇതിനായി സഹോദരന്റെ സഹായം തേടിയിട്ടുണ്ടായിരുന്നു. കഴിഞ്ഞ ഒരാഴ്ചയിലേറെയായി നിതിനെ കണ്ടെത്താനായി വിവിധ മാര്ഗങ്ങളില് തിരച്ചില് തുടരുകയായിരുന്നു.
കാണാതാകുന്നതിന് അഞ്ച് മിനിറ്റ് മുന്പ് സുഹൃത്തുക്കള് എടുത്തതെന്ന് കരുതുന്ന നിതിന്റെ ചിത്രങ്ങള് ഉള്പ്പടെ പുറത്ത് വിട്ടാണ് തിരച്ചില് നടത്തിയത്.
മൃതദേഹം നിതിന്റെ ആണെന്ന് പൊലീസ് അറിയിച്ചതിനെ തുടര്ന്ന് കുടുംബാംഗങ്ങള് സമൂഹമാധ്യമങ്ങളില് മരണ വാര്ത്ത പങ്കുവച്ചു. നിതിനെ കണ്ടെത്താന് ഒരാഴ്ചയിലേറെയായി പരിശ്രമിക്കുന്ന ജര്മനിയിലെ മലയാളി സമൂഹത്തോടും കുടുംബാംഗങ്ങള് നന്ദി അറിയിച്ചു.
ശനിയാഴ്ച ജര്മന് സമയം രാത്രി 7 നാണ് ടൂക്കര് പാര്ക്കിന് സമീപമുള്ള അരുവിയിലെ വെള്ളത്തില് ജീവനില്ലാത്ത ഒരാളെ കാല്നടയാത്രക്കാര് കണ്ടെത്തുന്നത്. തുടര്ന്ന് അവര് പൊലീസിനെയും ഫയര്ഫോഴ്സിനെയും അറിയിക്കുകയായിരുന്നു. തുടര്ന്ന് പൊലീസ് ജര്മനിയിലുള്ള സഹോദരന് ഉള്പ്പടെയുള്ളവരെ വിവരം അറിയിക്കുകയായിരുന്നു.
ജര്മ്മനിയിലെ ബാഡന് വുര്ട്ടംബര്ഗിലുള്ള യൂണിവേഴ്സിറ്റി ഓഫ് സ്ററുട്ട്ഗാര്ട്ടിലെ എംഎസ് സി ഫിസിക്സ് വിദ്യാര്ത്ഥിയായിരുന്നു നിതിന്. സാഹസീക യാത്രകളും ഫോട്ടോഗ്രഫിയും ഇഷ്ടപ്പെടുന്ന നിതിന് ഒരുപറ്റം സുഹൃത്തുക്കള്ക്കൊപ്പമാണ് ഇംഗ്ലിഷ് ഗാര്ഡനിലെ ഐസ്ബാഹ് നദിയില് എത്തിയത്. എന്നാല് നീന്തലിനിടയില് നിതിനെ കാണാതാവുകയായിരുന്നു.
https://www.facebook.com/Malayalivartha
