ലബനനില് ഇസ്രായേല് നടത്തിയ വ്യോമാക്രമണത്തില് 356 പേര് കൊല്ലപ്പെട്ടതായി റിപ്പോര്ട്ടുകള്.... നിരവധി പേര്ക്ക് പരുക്കേറ്റു, തെക്കന് ലബനനില് നിന്ന് ആളുകള് കൂട്ടത്തോടെ പലായനം തുടങ്ങി
ലബനനില് ഇസ്രായേല് നടത്തിയ വ്യോമാക്രമണത്തില് 24 കുട്ടികളടക്കം 356 പേര് കൊല്ലപ്പെട്ടതായി റിപ്പോര്ട്ടുകള്. ഇസ്രായേല് ആക്രമണം നടത്തിയെന്ന് ലെബനന് ആരോഗ്യ മന്ത്രി സ്ഥിരീകരിച്ചു. ഏകദേശം 5,000 പേര്ക്ക് പരിക്കേറ്റതായും ആരോഗ്യമന്ത്രി ഫിറാസ് അബിയാദ് .
24 മണിക്കൂറിനുള്ളില് തെക്കന്, കിഴക്കന് ലെബനനിലെ 1,100 ഓളം ഹിസ്ബുള്ള കേന്ദ്രങ്ങള് ആക്രമിച്ചതായി ഇസ്രായേല് പറഞ്ഞു. ഹിസ്ബുള്ളയുടെ മൂന്നാമത്തെ കമാന്ഡായ അലി കരാക്കെയെ ലക്ഷ്യമിട്ടായിരുന്നു ബെയ്റൂട്ടിലെ ആക്രമണമെന്ന് ഹിസ്ബുള്ളയോട് അടുത്ത വൃത്തങ്ങള് .
തെക്കന് ലെബനനിലെയും ലെബനന് പ്രദേശത്തിനുള്ളിലെ ബെക്കയിലെയും ഏകദേശം 800 ഹിസ്ബുള്ള ഭീകര കേന്ദ്രങ്ങളില് ആക്രമണം നടത്തിയതായി ഇസ്രായേല് സൈന്യം.അതേസമയം ഹിസ്ബുള്ള ഇസ്രായേലിലെ അഞ്ചിടത്ത് ആക്രമണങ്ങള് നടത്തിയതായും റിപ്പോര്ട്ടുകളുണ്ട് . ഇസ്രയേലിനോടും ഹിസ്ബുള്ളയോടും യുദ്ധത്തില് നിന്ന് പിന്മാറാന് ലോകശക്തികള് അഭ്യര്ഥിക്കുകയും ചെയ്തു.
വെള്ളിയാഴ്ച തെക്കന് ബെയ്റൂട്ടില് ഇസ്രായേല് നടത്തിയ വ്യോമാക്രമണത്തില് ഹിസ്ബുള്ളയുടെ ഫോഴ്സ് കമാന്ഡര് ഇബ്രാഹിം അഖില് ഉള്പ്പെടെ 39 പേര് കൊല്ലപ്പെടുകയും മൂവായിരത്തോളം പേര്ക്ക് പരിക്കേല്ക്കുകയും ചെയ്തിരുന്നു.
അതേസമയം ഹിസ്ബുല്ലയുമായി ബന്ധമുള്ള സ്ഥലങ്ങളില് നിന്ന് ജനങ്ങള് ഒഴിഞ്ഞു പോകണമെന്ന് ഇസ്രയേല് സൈനിക വക്താവ് റിയര് അഡ്മിറല് ഡാനിയല് ഹഗാരി ലെബനന് ജനതയോട് ആവശ്യപ്പെട്ടു. ലെബനനിലുടനീളം വ്യാപിച്ചുകിടക്കുന്ന ഹിസ്ബുല്ല ഭീകരകേന്ദ്രങ്ങള്ക്കെതിരെ ഇസ്രയേല് സൈന്യം വരും ദിവസങ്ങളില് ആക്രമണം വര്ധിപ്പിക്കുമെന്നും ഹഗാരി പറഞ്ഞു.
തെക്കന് ലബനനില് നിന്ന് ആളുകള് കൂട്ടത്തോടെ പലായനം തുടങ്ങിയതോടെ തെക്കന് തുറമുഖനഗരമായ സിദോനില് ജനജീവിതം സ്തംഭിച്ചു. 2006 ലെ ഇസ്രയേല് ആക്രമണത്തിനു ശേഷമുള്ള പലായനത്തിനു സമാനമാണു സ്ഥിതിയാണുള്ളത്.
https://www.facebook.com/Malayalivartha
