ഇറാൻ പിന്മാറുകയാണ് എന്ന് വേണം ഇറാൻ പ്രസിഡന്റ് മസൂദ് പെസഷ്കിയന്റെ പ്രതികരണത്തിൽ നിന്നും മനസ്സിലാക്കണ്ടത്. “യുദ്ധത്തിൻെറ വ്യാപ്തി വർധിപ്പിക്കാൻ ആഗ്രഹമില്ലെന്നാണ് ഇസ്രായേൽ പറയുന്നതെങ്കിലും അവരുടെ പ്രവൃത്തിയിൽ നിന്ന് അതല്ല മനസ്സിലാക്കാൻ സാധിക്കുന്നത്. ഞങ്ങൾക്ക് ആഗ്രഹമില്ലാത്ത കാര്യങ്ങൾ ചെയ്യാൻ ഞങ്ങളെ അവർ നിർബന്ധിക്കുകയാണ്” പെസഷ്കിയൻ പറഞ്ഞു. ഇലക്ട്രോണിക് ഡിവൈസുകൾ ഉപയോഗിച്ചുള്ള ആക്രമണവും ഹമാസ് രാഷ്ട്രീയകാര്യ നേതാവ് ഇസ്മയിൽ ഹനിയെയുടെ കൊലപാതകവുമെല്ലാം ഇതാണ് സൂചിപ്പിക്കുന്നതെന്നും അദ്ദേഹം പറഞ്ഞു. തുറന്ന യുദ്ധം നടക്കുകയാണെങ്കിൽ ഹിസ്ബുല്ലയ്ക്ക് ഇറാൻെറ പൂർണ പിന്തുണയുണ്ടാവും. പശ്ചിമേഷ്യയിലെ അശാന്തി ഇനിയും വർധിക്കുയാണെന്ന വ്യക്തമായ സൂചനയാണ് ഇപ്പോഴത്തെ ആക്രമണങ്ങളിൽ നിന്ന് വ്യക്തമാവുന്നത്.