ഇസ്രയേൽ ആക്രമണത്തിൽ ഹിസ്‌ബുള്ളയുടെയും ഹമാസിന്റെയും വൻ നേതാക്കൾ കൊല്ലപ്പെട്ടിരുന്നു.  ഇസ്മായേൽ ഹനിയ്യ, ഹസൻ നസ്‌റല്ല, യഹിയ സിൻവർ തുടങ്ങി എത്ര എത്ര നേതാക്കൾ കൊല്ലപ്പെട്ടിരിക്കുകയാണ്. ഇപ്പോൾ ഇതാ നിർണായകമായ ഒരു വിവരം പുറത്ത് വന്നിരിക്കുകയാണ്, ഹിസ്ബുല്ല വക്താവ് മുഹമ്മദ് അഫീഫ് കൊല്ലപ്പെട്ടതായിട്ടുള്ള  വിവരമാണ് പുറത്ത് വരുന്നത്. ഹിസ്ബുല്ലയുടെ മാധ്യമ വിഭാഗം തലവനായിരുന്നു അഫീഫ് . മധ്യ ബെയ്റൂട്ടിൽ നടന്ന    ആക്രമണത്തിലാണ് അഫീഫ് കൊല്ലപ്പെട്ടത് .

സിറിയൻ ബാത്ത് പാർട്ടിയുടെ ലബനനിലെ റാസ് അൽ നാബയിലുള്ള ഓഫിസ് ലക്ഷ്യമിട്ട് നടത്തിയ ആക്രമണത്തിലാണ് അഫീഫിന്റെ മരണം.  അഫീഫിന്റെ വിയോഗത്തിൽ മാധ്യമ വിഭാഗം അനുശോചനം രേഖപ്പെടുത്തി . ഹിസ്ബുല്ലയുടെ വാർത്താ സമ്മേളനങ്ങൾക്കും പ്രസംഗങ്ങൾക്കും പ്രധാന പങ്ക്  വഹിച്ചിരുന്ന  വ്യക്തിയാണ് .

 സെപ്റ്റംബർ അവസാനം ഹിസ്ബുല്ല തലവൻ ഹസ്സൻ നസ്രല്ലയുടെ കൊലപാതകത്തിനു ശേഷം സായുധസംഘടനയുടെ പ്രധാനിയായിരുന്നു അഫീഫ്. കുറച്ചുകാലം അൽ മനാൽ ടിവി സ്റ്റേഷന്റെ പ്രവർത്തനച്ചുമതലയും ഉണ്ടായിരുന്നു. ഇസ്രായേൽ തകർത്ത പ്രദേശങ്ങളിലെ കെട്ടിടാവശിഷ്ടങ്ങൾക്കിടയിൽ നിന്ന് അഫീഫ് നടത്തുന്ന പത്രസമ്മേളനങ്ങൾ വ്യാപകമായി പ്രചരിപ്പിക്കപ്പെട്ടിട്ടുണ്ട്. ലെബനനിൽ ഇസ്രായേൽ വധിക്കുന്ന ഏറ്റവും ഒടുവിലത്തെ ഹിസ്ബുല്ല നേതാവാണ് മുഹമ്മദ് അഫീഫ്.ലബനന്റെ വടക്കൻഭാഗങ്ങളിൽ ഇസ്രയേൽ സൈന്യവും ഹിസ്ബുല്ലയും തമ്മിൽ ശക്തമായ ഏറ്റുമുട്ടൽ തുടരുകയാണ്.