ലോകം മുഴുവന്‍ ആരാധകരുള്ള താരത്തിന്റെ പുതിയ രൂപം കണ്ട് ഞെട്ടി ആരാധകര്‍. ഗായികയും അഭിനേത്രിയുമാണ് അരിയാന ഗ്രാന്‍ഡേ. താരത്തിന്റെ ഗാനങ്ങളെല്ലാം വലിയരീതിയില്‍ ലോകം ഏറ്റെടുക്കാറുണ്ട്. ഇപ്പോഴിതാ അരിയാനയുടെ പുതിയ രൂപം കണ്ട് ഞെട്ടിരിക്കുകയാണ് ആരാധകര്‍. ലണ്ടനില്‍ നടന്ന ബാഫ്റ്റ പുരസ്‌കാരദാനചടങ്ങില്‍ എത്തിയ അരിയാനയെ കണ്ടാണ് ആരാധകര്‍ ഞെട്ടിയത്.

ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിച്ചതോടെ വലിയ ചര്‍ച്ചകള്‍ക്ക് വഴിവച്ചു. ഭാരം വളരെയധികം കുറഞ്ഞ് മെലിഞ്ഞൊട്ടിയ നിലയിലാണ് അരിയാന വേദിയിലെത്തിയത്. അരിയാനയ്ക്ക് എന്തെങ്കിലും അസുഖം ഉണ്ടോയെന്നാണ് ആരാധകര്‍ ചോദിക്കുന്നത്. എന്നാല്‍ താരം ആരോഗ്യവതിയാണെന്നും വണ്ണം കുറയ്ക്കുന്നതും കൂട്ടുന്നതും വ്യക്തികളുടെ സ്വകാര്യതയാണെന്നും ചിലര്‍ അഭിപ്രായപ്പെടുന്നു. ഇത്തരത്തില്‍ അരിയാനയുടെ വണ്ണം കുറയുന്നതില്‍ ആരാധകര്‍ മുന്‍പും ആശങ്ക പ്രകടിപ്പിച്ച് രംഗത്തെത്തിയിരുന്നു.

രണ്ട് മാസം മുന്‍പ് ഫ്രഞ്ച് മാസികയ്ക്ക് നല്‍കിയ അഭിമുഖത്തില്‍ തന്റെ ശരീരത്തെ കുറിച്ചോര്‍ത്ത് ആളുകള്‍ വ്യാകുലപ്പെടുന്നതിനെതിരെ വൈകാരികമായാണ് അരിയാന പ്രതികരിച്ചത്. താന്‍ എന്നത്തെക്കാലും ആരോഗ്യവതിയാണെന്നും ശരീരത്തിന്റെ അഴകളവുകള്‍ നോക്കി അധിക്ഷേപിക്കുന്നവരെ കാര്യമാക്കുന്നില്ലെന്നുമാണ് അന്ന് താരം പറഞ്ഞത്.കൂടാതെ ആരോഗ്യമുള്ള ശരീരത്തിന് ആരും മാനദണ്ഡമുണ്ടാക്കേണ്ടെന്നും അരിയാന കൂട്ടിച്ചേര്‍ത്തു. എന്നാല്‍ ഇപ്പോഴത്തെ മാറ്റം ശരിക്കും ആരാധകരെ ഞെട്ടിരിക്കുകയാണ്.