കേരള സംസ്ഥാന ഹജ്ജ് കമ്മിറ്റി മുഖേന ഹജ്ജിന് പോയവരുടെ ആദ്യ വിമാനം IX 3012  ഇന്നലെ വൈകിട്ട് 5.20ന് കരിപ്പൂരില്‍ ഇറങ്ങി. 170 തീര്‍ത്ഥാടകരാണ് ആദ്യ വിമാനത്തില്‍ കോഴിക്കോട് എത്തിയത്.

ഇതില്‍ 76 പുരുഷന്മാരും 94 സ്ത്രീകളുമാണ് ഉണ്ടായിരുന്നത്. കൊച്ചി എംബാര്‍ക്കേഷനിലെ ആദ്യ വിമാനം ഇന്ന് പുലര്‍ച്ചെ 12.30ന് എത്തി. കണ്ണൂരിലെക്കുള്ള ആദ്യ വിമാനം ജൂണ്‍ 30ന് വൈകീട്ട് 5.05നാണ് എത്തുന്നത്. ഇന്നലെ കരിപ്പൂരിലെത്തിയ ആദ്യ വിമാനത്തിലെ ഹാജിമര്‍ക്ക് കേരള സംസ്ഥാന ഹജ്ജ് കമ്മിറ്റിയുടെ നേതൃത്വത്തില്‍ ഹൃദ്യമായ സ്വീകരണം നല്‍കി. ചെയര്‍മാന്‍ ഡോ. ഹുസൈന്‍ സഖാഫി ചുള്ളിക്കോടിന്റെ നേതൃത്വത്തില്‍ സ്വീകരിച്ചു. അഡ്വ. പി.ടി.എ. റഹീം എം.എല്‍.എ സംസം വിതരണം ഉദ്ഘാടനം ചെയ്തു.

തീര്‍ത്ഥാടകരുടെ മടങ്ങിവരവുമായി ബന്ധപ്പെട്ട് വിപുലമായ ഒരുക്കങ്ങള്‍ തയ്യാറാക്കിയിരുന്നു. വിമാനത്താവളത്തില്‍ എത്തുന്ന തീര്‍ത്ഥാടകര്‍ക്ക് ലഗേജുകള്‍ സുഖമമായി കൈകാര്യം ചെയ്യുന്നതിനും ഓരോ തീര്‍ത്ഥാടകനും അഞ്ച് ലിറ്റര്‍ വീതം സംസം നല്‍കുന്നതിനുള്ള സൗകര്യങ്ങള്‍ ഏര്‍പ്പെടുത്തിയിട്ടുണ്ടായിരുന്നു. വിശ്രമത്തിന് പ്രത്യേക ഇരിപ്പിടവും കുടിവെള്ളം/റിഫ്രഷ്‌മെന്റ് സൗകര്യങ്ങള്‍ ഏര്‍പ്പെടുത്തി