ബോയിംഗ് 737-800 വിമാനം അപകടത്തില് നിന്നും രക്ഷപ്പെട്ടത് അത്ഭുതകരമായി
അത്ഭുത രക്ഷപ്പെടല്... ജക്കാര്ത്തയിലെ സുക്കര്ണോ ഹട്ട അന്താരാഷ്ട്ര വിമാനത്താവളത്തില് ലാന്ഡ് ചെയ്യുന്നതിനിടെ എതിര് ദിശയില് നിന്നും അതിശക്തമായ കാറ്റ് അടിച്ചതിനെ തുടര്ന്ന് ബാത്തിക് എയറിന്റെ ബോയിംഗ് 737-800 വിമാനം അപകടത്തില് നിന്നും അത്ഭുതകരമായ രക്ഷപ്പെട്ടു.
ജൂണ് 27 ന് നടന്ന സംഭവത്തിന്റെ വീഡിയോ സമൂഹ മാധ്യമങ്ങളില് വൈറലായി. ഈസമയം വിമാനത്തില് 163 പേരുണ്ടായിരുന്നു. അതിശക്തമായ മഴയും കാറ്റും വീശിയടിക്കുന്നതിനിടെയാണ് പികെ-എല്ഡിജെ വിമാനം സുക്കര്ണോ ഹട്ട വിമാനത്താവളത്തിന്റെ റണ്വേയിലേക്ക് ലാന്ഡിംഗിനായി ശ്രമിച്ചത്.
വിമാനം താഴേക്ക് ലാന്റ് ചെയ്യുന്നതിനിടെ വീശിയടിച്ച കാറ്റില്പ്പെട്ട് വിമാനത്തിന്റെ ദിശ തെറ്റുകയും വിമാനം വലത് വശത്തേക്ക് കുത്തനെ ചരിയുകയും ചെയ്തു. അതിശക്തമായ കാറ്റില് വിമാനം ബാലന്സ് ചെയ്യാന് പാടുപെടുമ്പോള്, വിമാനം ഒരു വശത്തേക്ക് ചരിയുന്നു. എങ്കിലും പൈലറ്റിന്റെ മനോധൈര്യത്തില് വിമാനം അപകടമൊന്നും കൂടാതെ ലാന്ഡി ചെയ്തു. വിമാനം സുരക്ഷിതമായി റണ്വേയില് നിന്നു.
ലാന്ഡ് ചെയ്തതിന് പിന്നാലെ വിമാനത്തില് സാങ്കേതിക പരിശോധന നടത്തി. വിമാനത്തിന് കാര്യമായ കേടുപാടുകളൊന്നും സംഭവിച്ചിട്ടില്ലെന്ന് പിന്നീട് വിമാനത്താവള അധികൃതര് പുറത്തിറക്കിയ പത്രക്കുറിപ്പില് അറിയിച്ചു. പൈലറ്റുമാരുടെ പ്രൊഫഷണലിസം വലിയൊരു അപകടം ഒഴിവാക്കിയെന്ന് ഇന്തോനേഷ്യയിലെ ഡയറക്ടറേറ്റ് ജനറല് ഓഫ് സിവില് ഏവിയേഷന് പ്രശംസിക്കുകയും ചെയ്തു.
"
https://www.facebook.com/Malayalivartha
