പോർച്ചുഗൽ തീരത്ത് ഞായറാഴ്ച കടലിൽ നിന്ന് വൻ തിരമാല കണക്കെ ഒരു ഭീമാകാരമായ 'റോൾ ക്ലൗഡ്' (Roll Cloud) ആഞ്ഞടിച്ചത് കാഴ്ചക്കാരെ അമ്പരപ്പിച്ചു. അറ്റ്ലാൻ്റിക് സമുദ്രത്തിൽ നിന്ന് തീരത്തേക്ക് പാഞ്ഞടുത്ത ഈ മേഘരൂപം നൂറുകണക്കിന് ആളുകളെ ഞെട്ടിച്ചു. കണ്ടാൽ ഒരു ഭീമാകാരമായ തിരമാല തീരത്തേക്ക് വരുന്നതുപോലെ തോന്നിക്കുന്ന ഈ മേഘരൂപം കണ്ടാൽ ആരും ഭയന്നുപോകും. പിന്നെ സൺബാത്ത് ചെയ്യുകയായിരു്നന സഞ്ചാരികളുടെ അവസ്ഥ പറയേണ്ടതില്ലല്ലോ. സംഭവം സിമ്പിളാണെങ്കിലും, കണ്ടാൽ ഹാര്‍ട്ട് അറ്റാക്ക് വരാൻ ഇതുമതി എന്നൊക്കെയാണ് വീഡിയോ പങ്കുവച്ചുകൊണ്ട് ആളുകൾ കുറിക്കുന്നത്.

ട്യൂബ് ആകൃതിയിലുള്ള ഈ വിചിത്ര മേഘത്തോടൊപ്പം അതിശക്തമായ കാറ്റുമെത്തിയെന്ന് ദൃക്സാക്ഷികൾ പറയുന്നു. 'വോൾക്കഹോളിക്' എന്ന എക്സ് അക്കൗണ്ടാണ് ഈ റോൾ ക്ലൗഡിൻ്റെ വീഡിയോ പങ്കുവെച്ചത്, ഇത് അതിവേഗം ഓൺലൈനിൽ വൈറലായി. യൂറോ ന്യൂസ് റിപ്പോർട്ട് അനുസരിച്ച്, പോർച്ചുഗലിലും പടിഞ്ഞാറൻ യൂറോപ്പിലും അതിതീവ്രമായ ഉഷ്ണതരംഗം അനുഭവപ്പെടുന്നതിനിടെയാണ് ഈ റോൾ ക്ലൗഡ് പ്രത്യക്ഷപ്പെട്ടത്.





റോൾ ക്ലൗഡുകൾ താരതമ്യേന അപൂർവ കാഴ്ചയാണ്. ഉഷ്ണവും വരണ്ടതുമായ കാറ്റ് തണുത്ത കടൽക്കാറ്റുമായി കൂട്ടിമുട്ടുമ്പോളാണ് ഇവ രൂപപ്പെടുന്നത്. ഇത് ആകാശത്തുകൂടി ഉരുണ്ടു നീങ്ങുന്നതായി തോന്നിക്കുന്ന സിലിണ്ടർ ആകൃതിയിലുള്ളതുമായ മേഘത്തെ സൃഷ്ടിക്കുന്നു. സുനാമിക്ക് സമാനമായി തോന്നിക്കുന്ന രൂപം പലപ്പോഴും പരിഭ്രാന്തി സൃഷ്ടിച്ചിട്ടുണ്ടെങ്കിലും, ഇത് ഭൂകമ്പവുമായോ സുനാമിയുമായോ ബന്ധപ്പെട്ടതല്ലെന്നാണ് വിദഗ്ധർ വ്യക്തമാക്കുന്നത്.

2025 ജൂലൈ 5 ഒരു നിർണായക ദിവസമാണ് കാരണം ജപ്പാനിൽ ഒരു വലിയ ദുരന്തമുണ്ടാകുമെന്ന് കോമിക് ബുക്കുകളുടെയും ഗ്രാഫിക് നോവലുകളുടെയും (മാംഗ) എഴുത്തുകാരി പ്രവചിച്ചതിന് ശേഷം ഇപ്പോൾ ജപ്പാനിൽ വലിയ ചർച്ചകൾ നടന്നുകൊണ്ടിരിക്കുകയാണ്. 2011ലെ സുനാമിയെക്കുറിച്ച് അവർ മുൻപ് നടത്തിയ പ്രവചനം ചില ആശങ്കകൾ കൂടെ സൃഷ്ടിക്കുന്നു. ഒപ്പം തന്നെ ഈ പ്രവചനം സാമൂഹിക മാധ്യമങ്ങളിലൂടെ അതിവേഗം പ്രചരിക്കുകയാണ്. ശാസ്ത്രജ്ഞരും അധികാരികളും ഇത്തരം പ്രവചനങ്ങൾക്ക് ശാസ്ത്രീയപരമായ അടിസ്ഥാനമില്ലെന്ന് പറയുമ്പോഴും പലരും ഇതിനെ ഗൗരവമായാണ് കാണുന്നത്.





'വതാഷി ഗ മിത മിറായി' എന്ന മാംഗയുടെ രചയിതാവായ റിയോ തത്സുകി എന്ന എഴുത്തുകാരിയാണ് 2011 മാർച്ചിലെ സുനാമിയെക്കുറിച്ച് കൃത്യമായി പ്രവചിച്ചത്. അവരുടെ സ്വപ്ന ജേണലുകളെ അടിസ്ഥാനമാക്കിയുള്ള ഈ മാംഗ 1999ലാണ് ആദ്യമായി പ്രസിദ്ധീകരിച്ചത്. 2011ലെ തോഹോകു ഭൂകമ്പത്തിനും സുനാമിക്കും ശേഷം"2011 മാർച്ചിലെ വലിയ ദുരന്തം" എന്നാണ് പുതിയ മാംഗയുടെ കവർ പേജിൽ എഴുതിയിരുന്നത്. ഇത് അവരെ കൂടുതൽ പ്രശസ്തിയിലേക്ക് എത്തിച്ചു.


2021ൽ പുറത്തിറക്കിയ മാംഗയുടെ മറ്റൊരു പതിപ്പിൽ 2025 ജൂലൈ 5ന് മറ്റൊരു വലിയ ദുരന്തം ഉണ്ടാകുമെന്ന് വെളിപ്പെടുത്തി. ഫിലിപ്പൈൻ കടലിൽ നിന്നുള്ള ശക്തമായ സ്ഫോടനത്തെ തുടർന്ന് 2011 ൽ ഉണ്ടായ സുനാമിയുടെ മൂന്നിരട്ടി ഉയരമുള്ള ഒരു തിരമാല വരുമെന്നാണ് ഇതിൽ കൃത്യമായി വിവരിക്കുന്നത്. എന്നാൽ ഈ പ്രവചന തീയതി അടുക്കുന്നതോടെ വായനക്കാരും മാധ്യമങ്ങളും ഇതിനെ കുറിച്ച് സജീവമായി ചർച്ച ചെയ്യുകയാണ്.

കൂടാതെ ഈ ഭീതി രാജ്യത്തെ വിനോദസഞ്ചാര മേഖലയെയും കാര്യമായി ബാധിച്ചതായും പൊതുജനങ്ങളിൽ ഇത് വലിയ ഉത്കണ്ഠയുണ്ടാക്കിയതുമായാണ് പുറത്ത് വരുന്ന റിപ്പോർട്ടുകൾ. ഏറെ പ്രകൃതിദുരന്തങ്ങൾക്ക് സാധ്യതയേറിയ രാജ്യമാണ് ജപ്പാൻ. അതിനാൽ ഭൂകമ്പങ്ങളും സുനാമികളും പതിവായതിനാൽ ഇത്തരം പ്രവചനങ്ങൾ ജനങ്ങളിൽ കൂടുതൽ വേഗത്തിൽ പരിഭ്രാന്തി പരത്താനുള്ള സാധ്യത കൂടുതലാണ്.

എന്നാൽ വർധിച്ചുവരുന്ന ഈ പരിഭ്രാന്തിക്കിടയിൽ ജനങ്ങളോട് ശാന്തത പാലിക്കാനാണ് സർക്കാർ ആവശ്യപ്പെട്ടിട്ടുള്ളത്. ജപ്പാൻ കാലാവസ്ഥാ ഏജൻസി ഇത്തരം പ്രവചനങ്ങളെ വിശ്വസനീയമല്ലെന്ന് സോഷ്യൽ മീഡിയയിലൂടെ ആവർത്തിക്കുമ്പോഴും ജനങ്ങൾ ഇത് വിശ്വസിക്കാൻ പാടുപെടുകയാണ്. കൂടാതെ ഈ ഒരു പ്രവചനം കാരണം ജപ്പാന്റെ സമ്പദ്‌വ്യവസ്ഥ ഒന്നടക്കം തകർന്നിരിക്കുകയാണ്. ടൂറിസത്തിൽ ഇടിവ് തുടരുകയാണെങ്കിൽ 560 ബില്യൺ യെൻ നഷ്ടമുണ്ടാകുമെന്ന് നോമുറ റിസർച്ച് ഇൻസ്റ്റിറ്റ്യൂട്ടിലെ സാമ്പത്തിക വിദഗ്ദ്ധർ പറഞ്ഞു,.

വിസ അപേക്ഷയിൽ മാറ്റം കൊണ്ടുവന്ന് ജർമനി; പുതിയ നിയമം ജൂലൈ ഒന്ന് മുതൽ പ്രാബല്യത്തിൽ
ഒരു വിഭാഗം ആളുകൾ ഈ പ്രവചനത്തെ പേടിയോടെയാണ് കാട്ടുന്നതെങ്കിലും മറ്റൊരു വിഭാഗം ആളുകൾ വരുന്നത് വരട്ടെ എന്ന പരിഹാസത്തോടെയാണ് ഈ പ്രവചനത്തെ നേരിടുന്നത്. കൂടാതെ തത്സുകിയുടെ ഉദ്ദേശ്യങ്ങളെ ചോദ്യം ചെയ്യുന്നവരും ഏറെയാണ്. അവൾ പറയുന്നത് ശരിയാണെങ്കിൽ വിശ്വസിക്കും അല്ലെങ്കിൽ അവൾക്ക് ഒരു ഹൈക്ക് നടത്താം എന്നാണ് പറയുന്നത്.
ഹോങ്കോങ്ങിലെ ഗ്രേറ്റർ ബേ എയർലൈൻസ് പോലുള്ള വിമാനക്കമ്പനികൾ ബുക്കിംഗിൽ 30% ഇടിവ് വന്നതിനെ തുടർന്ന് വിമാന സർവീസുകളുടെ എണ്ണം കുറച്ചു. ഏഷ്യയിലെ ഫെങ് ഷൂയി വിദഗ്ദ്ധരും ജൂണിനും ഓഗസ്റ്റിനും ഇടയിൽ ഒരു വലിയ ഭൂകമ്പം പ്രവചിച്ചതും ഈ ഭീതിക്ക് ആക്കം കൂട്ടുന്നുണ്ട്.