യുഎസിലെ മിസിസിപ്പിയിലെ ഗ്രാമീണ മേഖലയിൽ ട്രെയിനും വാനും കൂട്ടിയിടിച്ച് അഞ്ച് പേർക്ക് ദാരുണാന്ത്യം. മരിച്ച അഞ്ച് പേരും വാനിലുണ്ടായിരുന്നവരാണെന്ന് സ്റ്റോൺ കൗണ്ടി കൊറോണർ വെയ്ൻ ഫ്ലറി പറഞ്ഞു. 23 വയസ്സുള്ള യുവതിയെ രക്ഷപ്പെടുത്തിയതായും ഫ്ലറി പറഞ്ഞു. ട്രെയിനിലുണ്ടായിരുന്ന ആർക്കും പരിക്കേറ്റിട്ടില്ലെന്നാണ് റിപ്പോർട്ടുകുള്ളത്.

റെയിൽവേ ക്രോസിംഗിൽ വച്ചാണ് അപകടം സംഭവിച്ചത്. കനേഡിയൻ പസഫിക് കൻസാസ് സിറ്റി ചരക്ക് തീവണ്ടിയാണ് വാനുമായി കൂട്ടിയിടിച്ചതെന്ന് റെയിൽ‌റോഡ് പ്രസ്താവനയിൽ പറഞ്ഞു. ബിലോക്സിയിൽ നിന്ന് 72 അകലെ വിഗ്ഗിൻസ് പട്ടണത്തിലായിരുന്നു അപകടം നടന്നത്.