പശ്ചിമേഷ്യയിൽ സംഘർഷം രൂക്ഷമായതോടെ ആഗോള വിപണിയിൽ എണ്ണവില കുതിച്ചുയരുന്നു. ഒറ്റരാത്രികൊണ്ട് ബ്രെന്റ് ക്രൂഡ് ഓയിൽ വിലയിൽ 2.2 ശതമാനത്തിന്റെ വർധനയാണ് രേഖപ്പെടുത്തിയത്. ബ്രെന്റ് ക്രൂഡ് ബാരലിന് 2.4 ഡോളർ ഉയർന്ന് 111.43 ഡോളറിൽ എത്തി.

ചുരുങ്ങിയ സമയത്തിനുള്ളിൽ വിലയിൽ ഉണ്ടായ ഈ കുതിച്ചുചാട്ടം ആഗോള സമ്പദ്‌വ്യവസ്ഥയെ ആശങ്കയിലാക്കുന്നുണ്ട്.

അമേരിക്കയും ഇറാനും തമ്മിലുള്ള നേരിട്ടുള്ള പോർവിളി കടുക്കുന്ന സാഹചര്യത്തിൽ, വരും ദിവസങ്ങളിൽ ഇന്ത്യ ഉൾപ്പെടെയുള്ള രാജ്യങ്ങളിൽ പെട്രോൾ, ഡീസൽ വില വർധിക്കാൻ സാധ്യതയേറെയാണ്.
അതേസമയം ഹോർമുസ് കടലിടുക്ക് വീണ്ടും തുറന്നുകൊടുക്കണമെങ്കിൽ യുദ്ധനഷ്ടപരിഹാരം നൽകണമെന്ന് ആവശ്യപ്പെട്ടിരിക്കുകയാണ് ഇറാൻ. .