കാനഡയില്‍ മൂന്നുപേരെ കൊല്ലപ്പെട്ട നിലയില്‍ കണ്ടെത്തി; ഒരാള്‍ അറസ്റ്റില്‍
കാനഡയിലെ ടോറോന്റോയില്‍ മൂന്നുപേരെ കൊല്ലപ്പെട്ട നിലയില്‍ കണ്ടെത്തി. രണ്ടു പുരുഷനും ഒരു സ്ത്രീയുമാണ് കൊല്ലപ്പെട്ടത്. സംഭവവുമായി ബന്ധപ്പെട്ട് 35 വയസുകാരനെ പോലീസ് കസ്റ്റഡിയില്‍ എടുത്തു.
സ്‌കാര്‍ബോറഫ് നഗരത്തിലെ പാര്‍പ്പിട മേഖലയില്‍ പുരുഷന്മാരെ മരിച്ച നിലയില്‍ കണ്ടെത്തുകയായിരുന്നു. ഗുരുതര പരിക്കുകളോടെ സ്ത്രീയെ ആശുപത്രിയില്‍ പ്രവേശിപ്പിച്ചെങ്കില്‍ ജീവന്‍ രക്ഷിക്കാനായില്ല.
ക്രോസ് ബോ(അമ്പും വില്ലും) ഉപയോഗിച്ചാണ് കൊലപാതകം എന്നാണ് പോലീസിന്റെ പ്രാഥമിക നിഗമനം. എന്നാല്‍ പോലീസ് ഇക്കാര്യം സ്ഥിരീകരിച്ചിട്ടില്ല. കൊലപാതകത്തിന് പ്രേരിപ്പിച്ച കാരണവും വ്യക്തമല്ല.