ഫ്രാന്‍സില്‍ ഏതാനും നഗരങ്ങളില്‍ ബുര്‍ക്കിനി (മുഴുനീള നീന്തല്‍ വസ്ത്രം) നിരോധിച്ച നടപടി രാജ്യത്തെ ഉന്നത കോടതി റദ്ദാക്കി. നഗര മേയര്‍ക്ക് ഇക്കാര്യത്തില്‍ വിധി പുറപ്പെടുവിക്കാന്‍ അധികാരമില്ലെന്നാണ് കോടതി അറിയിച്ചത്. ബുര്‍ക്കിനി നിരോധത്തിനെതിരെ ഹ്യൂമന്‍ റൈറ്റ്‌സ് ലീഗ് നല്‍കിയ ഹര്‍ജിയിലാണ് കോടതി വിധി.
കഴിഞ്ഞ ദിവസം പാരീസിലെ നീസ് ബീച്ചില്‍ ബുര്‍ക്കിനി ധരിച്ച സ്ത്രീയുടെ വസ്ത്രം പൊലീസ് ഭീഷണിപ്പെടുത്തി അഴിപ്പിച്ചത് ലോകമാധ്യമങ്ങളില്‍ ചര്‍ച്ചയായിരുന്നു. ഫ്രാന്‍സില്‍ അടുത്തിടെയുണ്ടായ തീവ്രവാദ ആക്രമണങ്ങളുടെ പേരിലാണ് ബുര്‍ഖിനി ധരിക്കുന്നത് അധികൃതര്‍ നിരോധിച്ചത്.