മദര്‍തെരേസയെ വിശുദ്ധയായി പ്രഖ്യാപിക്കുന്നതിനായി വത്തിക്കാന്‍ ഒരുങ്ങി, ഞായറാഴ്ച രാവിലെ പത്തരക്കാണ് ചടങ്ങ്
മദര്‍തെരേസയെ വിശുദ്ധയായി പ്രഖ്യാപിക്കുന്നതിനായി വത്തിക്കാന്‍ ഒരുങ്ങി. ഞായറാഴ്ച സെന്റ് പീറ്റേഴ്‌സ് ചത്വരത്തില്‍ വിശുദ്ധകുര്‍ബാനയോടെയാണ് ചടങ്ങുകള്‍ ആരംഭിക്കുക. കുര്‍ബാന മധ്യേ ഫ്രാന്‍സിസ് മാര്‍പ്പാപ്പ മദറിനെ വിശുദ്ധപദവിയിലേക്ക് ഉയര്‍ത്തും.
ഞായറാഴ്ച രാവിലെ പത്തരക്കാണ് വത്തിക്കാനില്‍ ചടങ്ങുകള്‍ തുടങ്ങുക. ഇന്ത്യന്‍സമയം 2മണിക്ക്. മാര്‍പ്പാപ്പ നേതൃത്വം നല്‍കുന്ന കുര്‍ബാന മധ്യേയാണ് പ്രഖ്യാപനം. സെപ്റ്റംബര്‍ 1മുതല്‍ എട്ടുവരെയാണ് വത്തിക്കാനിലെ ആഘോഷചടങ്ങുകള്‍.മിഷണറീസ് ഓഫ് ചാരിറ്റിയുടെ 5 ശാഖകള്‍ ചേര്‍ന്ന് നടത്തുന്ന പാവങ്ങളുടെ തിരുനാള്‍ തിയറ്റര്‍ ഒളിമ്പിക്കോയില്‍ സെപ്റ്റംബര്‍ ഒന്നിന് നടക്കും.
മൂന്നിന് വൈകിട്ട് 5ന് സെന്റ് ആന്‍ഡ്രിയ ഡെല്ലാവാലി ബസലിക്കയില്‍ മദര്‍തെരേസയെക്കുറിച്ചുളള വിവിധ കലാസാംസ്‌കാരിക പരിപാടികളും ഒരുങ്ങുന്നുണ്ട്. അന്നു നടക്കുന്ന ഗാനമേളയില്‍ ഗായിക ഉഷാ ഉതുപ്പ് മദറിനെക്കുറിച്ച് ഇംഗ്ലീഷിലും ബെംഗാളിയിലും ഗാനങ്ങള്‍ ആലപിക്കും. രാത്രി ഏഴിന് ദിവ്യബലിയും തുടര്‍ന്ന് തിരുശേഷിപ്പ് വണക്കവും നടക്കും. വിശുദ്ധയായി പ്രഖ്യാപിക്കപ്പെട്ടശേഷമുള്ള മദര്‍തെരേസയുടെ ആദ്യതിരുനാള്‍ അഞ്ചിനാണ് ആഘോഷിക്കുന്നത്.
https://www.facebook.com/Malayalivartha
