മേല്വിലാസത്തിന് പകരം മാപ്പ് വരച്ചു..എന്നിട്ടും കത്ത് ലക്ഷ്യ സ്ഥാനത്തെത്തി
07 SEPTEMBER 2016 03:55 PM IST
മലയാളി വാര്ത്ത
മേല്വിലാസം അറിയില്ല പകരം കത്തില് എത്തേണ്ട സ്ഥലത്തിന്റെ മാപ്പ് വരച്ചു. പക്ഷേ അത്ഭുതമെന്ന് പറയട്ടെ കത്ത് ലക്ഷ്യ സ്ഥാനത്തു തന്നെയെത്തി. പടിഞ്ഞാറന് ഐസ് ലാന്ഡിലെ ബുദര്ദലൂരിലാണ് സംഭവം നടന്നത്.
മാപ്പിനൊപ്പം കത്തെഴുതിയയാള് സൂചിപ്പിച്ച വരികള് ഇങ്ങനെ..
രാജ്യം : ഐസ്ലാന്ഡ്
നഗരം : ബുദര്ദലൂര്
പേര് : 3 മക്കളുള്ള ഐസ്ലാന്ഡിക് ദമ്പതിമാരുടെ വീട്. സ്വന്തമായി കുതിരഫാമും ധാരാളം ചെമ്മരിയാടുകളുമുണ്ട്. ബുദര്ദലൂരിലെ സൂപ്പര് മാര്ക്കറ്റിലാണ് ഐസ്ലാന്ഡിക് വനിത ജോലി ചെയ്യുന്നത്.
കത്തെഴുതിയയാള് ആരാണെന്ന് അറിയില്ലെങ്കില് കൂടിയും കത്ത് ലക്ഷ്യ സ്ഥാനത്തു തന്നെയെത്തിയതിന്റെ അത്ഭുതം കൊണ്ടിപ്പോള് ഇന്റര്നെറ്റില് കത്ത് വൈറലായിരിക്കുകയാണ്. ഐസ്ലാന്ഡിന്റെ തലസ്ഥാന നഗരമായ റെയ്ക്ജാവിക്കില് നിന്നാണ് കത്ത് പോസ്റ്റ് ചെയ്തിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
