ആദ്യ അമച്വര്‍ ബോക്‌സിംഗ് മത്സരത്തിനിറങ്ങിയ പോളണ്ട് താരം സഹതാരത്തിന്റെ ഇടിയേറ്റു മരിച്ചു. കുബ മൊസിക്ക് (22) അണു മരിച്ചത്. കഴിഞ്ഞ ശനിയാഴ്ച ഇംഗ്ലണ്ടിലെ ഗ്രേറ്റ് യാര്‍മൗത്തിലെ ടവര്‍ കോപ്ലക്‌സില്‍ നടന്ന മത്സരത്തില്‍ കുബയുടെ തലയ്ക്കു ഗുരുതരമായി പരിക്കേല്‍ക്കുകയായിരുന്നു. തുടര്‍ന്നു ജയിംസ് പാഗേറ്റ് യൂണിവേഴ്‌സിറ്റി ആശുപത്രിയില്‍ ചികിത്സയിലായിരുന്നു കുബ. എന്നാല്‍ ബുധനാഴ്ച രാത്രിയോടെ മരണത്തിനു കീഴടങ്ങി.

ആദ്യ രണ്ടു റൗണ്ടികളില്‍ മുന്നില്‍നിന്ന കുബയ്ക്കു നോക്കൗട്ടിലാണു തലയ്ക്കു പരിക്കേറ്റത്. തലയിലുണ്ടായ രക്തസ്രാവത്തെ തുടര്‍ന്നു കോമയിലായിരുന്നു കുബ. പോളണ്ടുകാരനായ കുബ ചിക്കന്‍ ഫാക്ടറി ജീവനക്കാരനായിരുന്നു.