ഇരട്ടകളായി പിറക്കുക എന്നത് ഒരു ഭാഗ്യമാണ്. അതിനൊപ്പംതന്നെ നൂറാം വയസും ഒരുമിച്ച് ആഘോഷിക്കുക എന്നത് അതിനേക്കാള്‍ വലിയ ഭാഗ്യവും. സുന്ദരിമാരായ രണ്ടു മുത്തശ്ശിമാരാണ് തങ്ങളുടെ നൂറാം പിറന്നാള്‍ ഫോട്ടോഷൂട് ചെയ്തിരിക്കുന്നത്. ബ്രസീലിലെ മരിയ എന്നും പൗളീന്‍ എന്നും പേരുള്ള രണ്ടുമുത്തശ്ശിമാര്‍ക്കും വേണ്ടി ഫൊട്ടോഷൂട്ട് ഒരുക്കിയത് ഫൊട്ടോഗ്രാഫറായ കാമില ലിമയാണ്. മെയ് 24 നാണ് മുത്തശ്ശിമാരുടെ 100-ാം പിറന്നാള്‍.

സുന്ദരിമാരായ ഈ മുത്തശ്ശിമാരെ കണ്ടപ്പോള്‍ ലിമക്ക് ഇവരെ വച്ച് ഒരു ഫോട്ടോ ഷൂട്ട് എടുക്കണമെന്ന് ആഗ്രഹം. ഉടന്‍ ഈ കാര്യം മുത്തശ്ശിമാരോട് പറഞ്ഞു. അപ്പോള്‍ അവരും റെഡി. അങ്ങനെയാണ് നൂറാം വയസിലും നിഷ്‌കളങ്കമായി ചിരിക്കുന്ന സുന്ദരിമാരുടെ ഫോട്ടോകള്‍ കാമറയില്‍ പതിപ്പിച്ചത്. 

നൂറുവയസ്സുവരെ ജീവിച്ച ആളുകളെ ഞാനിതുവരെ നേരിട്ടു കണ്ടിട്ടില്ല. അതും ഇരട്ടകളെ. അതിസുന്ദരികളായ ഈ മുത്തശ്ശിമാരെ വെച്ച് ഒരു ഫൊട്ടോഷൂട്ട് ചെയ്യണമെന്നത് എന്റെ ആഗ്രഹമായിരുന്നു. ഈ കാര്യം അവരോടു പറഞ്ഞപ്പോള്‍ ഫൊട്ടോഷൂട്ടിനെത്താന്‍ അവര്‍ക്കും സമ്മതം. അങ്ങനെയാണ് മനോഹരങ്ങളായ ചിത്രങ്ങള്‍ പിറന്നത്.'' ഫൊട്ടോഗ്രാഫര്‍ കാമില ലിമ പറയുന്നു.