തെക്കന്‍ ജര്‍മ്മനിയിലെ മ്യൂണിക്കില്‍ ഒരു റെയില്‍വേ സ്‌റ്റേഷനിലുണ്ടായ വെടിവയ്പില്‍ നിരവധി യാത്രക്കാര്‍ക്കും പോലീസുകാര്‍ക്കും പരുക്ക്. ഒരു വനിതാ ഓഫീസറുടെ നില ഗുരുതരമാണ്. ചൊവ്വാഴ്ച പുലര്‍ച്ചെയാണ് വെടിവയ്പുണ്ടായത്. സംഭവത്തില്‍ ഒരാള്‍ കസ്റ്റഡിയിലായി.

ഭീകരാക്രമണം അല്ലെന്നാണ് പോലീസിന്റെ പ്രാഥമിക നിഗമനം. എസ്ബാന്‍ സ്‌റ്റേഷനില്‍ പോലീസ് പരിശോധന നടക്കുന്നതിനിടെയാണ് വെടിവയ്പ് നടന്നതെന്ന് മ്യൂണിക്ക് പോലീസ് അറിയിച്ചു.

വനിത ഓഫീസറുടെ പക്കല്‍ നിന്ന് തോക്ക് തട്ടിയെടുത്താണ് അക്രമി വെടിയുതിര്‍ത്തതെന്ന് റിപ്പോര്‍ട്ടുണ്ട്.