പാക്കിസ്ഥാനിലെ കറാച്ചിയില്‍ ഓടിക്കൊണ്ടിരുന്ന കാര്‍ കത്തിയമര്‍ന്ന് ഒരു കുടുംബത്തിലെ ആറു പേര്‍ വെന്തു മരിച്ചു. കറാച്ചിയിലെ ഗാര്‍ഡന്‍ പ്രദേശത്താണ് സംഭവം. അഞ്ചു പേര്‍ക്ക് പരിക്കേറ്റിട്ടുണ്ടെന്നാണ് വിവരം. ഇവരെ ആശുപത്രിയില്‍ പ്രവേശിപ്പിച്ചു. പരിക്കേറ്റവരില്‍ ചിലരുടെ നില ഗുരതരമാണെന്ന് ആശുപത്രി വൃത്തങ്ങള്‍ അറിയിച്ചു.

തീപിടിത്തത്തിന്റെ കാരണമെന്താണെന്ന് വ്യക്തല്ല. സംഭവത്തേക്കുറിച്ച് പോലീസ് അന്വേഷണമാരംഭിച്ചു. വിനോദയാത്രക്കെത്തിയവരാണ് അപകടത്തില്‍പ്പെട്ടതെന്ന് പോലീസ് അറിയിച്ചു. 11 പേരാണ് വാഹനത്തില്‍ ഉണ്ടായിരുന്നത്.