നോര്‍വേയില്‍ ഹിമക്കരടിയെ ഭയപ്പെടുത്തിയ ടൂറിസ്റ്റ് ഗൈഡിന് ഒരു ലക്ഷം രൂപ ( 13000 നോര്‍വേ ക്രോണ്‍) പിഴ. സ്വാല്‍ബാര്‍ഡിൽ വിനോദസഞ്ചാര സംഘത്തോടൊപ്പം മഞ്ഞുമലയിലൂടെ ട്രെക്കിങ് നടത്തവേയാണ് സംഭവം. 900 മീറ്ററോളം അകലെ വിശ്രമിക്കുകയായിരുന്ന ഹിമക്കരടിയുടെ സമീപത്തേക്ക് സംഘവുമായി ഗൈഡ് സഞ്ചരിക്കുകയായിരുന്നു. ഈ സമയം മനുഷ്യരെ കണ്ട ഹിമക്കരടി പേടിച്ച്‌ ഓടുകയായിരുന്നു. അകലെയാണെങ്കിലും വന്യജീവികളെ ശല്യപ്പെടുത്തുന്നത് നിയമപരമായി ശിക്ഷാര്‍ഹമാണ്. 

സ്വാല്‍ബോര്‍ഡില്‍ ഹിമക്കരടികളെ വിനോദസഞ്ചാരികള്‍ ശല്യപ്പെടുത്തുന്ന സംഭവങ്ങള്‍ വ്യാപകമാണ്. ഇത് നിയന്ത്രിക്കാനായി പലയിടങ്ങളിലും നിയന്ത്രണങ്ങള്‍ കൊണ്ടുവരുമെന്നും ഗവര്‍ണര്‍ അറിയിച്ചു. അതെ സമയം ഗൈഡ് തന്റെ തെറ്റ് ഏറ്റു പറയുകയുണ്ടായി.