മോഡലിംഗ് രംഗത്തെ വേശ്യാവൃത്തിയെ കുറിച്ച് ഞെട്ടിക്കുന്ന വെളിപ്പെടുത്തല്‍ നടത്തി യുവമോഡല്‍. ലണ്ടന്‍ മോഡലിങ് രംഗത്തെ യുവമോഡലായ 20കാരി ജാസ് ഈഗറാണ് രംഗത്ത് വന്നിരിക്കുന്നത്. ലണ്ടന്‍ മോഡലിങ് രംഗത്ത് തുടക്കക്കാര്‍ക്ക് ഒരു രാത്രിക്ക് 2000 പൗണ്ട് കിട്ടുമ്പോള്‍ സൂപ്പര്‍ മോഡലുകള്‍ക്ക് രണ്ട് മില്യണ്‍ വരെ പൗണ്ട് പ്രതിഫലം ലഭിക്കുമെന്നും ഈഗര്‍ പറയുന്നു.

പണക്കാരായ നല്ല പുരുഷന്മാരുമായി സെക്‌സ് ചെയ്ത് പണമുണ്ടാക്കുന്നത് അഭിമാനമായി കരുതുന്ന മോഡലുകള്‍ ഏറെയുണ്ടെന്നും ഈഗര്‍ തന്റെ അനുഭവത്തിന്റെ വെളിച്ചത്തില്‍ വെളിപ്പെടുത്തുന്നു. എന്നാല്‍ മോഡലിങ് രംഗത്ത് പിടിച്ച് നില്‍ക്കാനായി താന്‍ ഒരിക്കലും ശരീരം വിറ്റിട്ടില്ലെന്നും തന്റെ മൂല്യങ്ങളില്‍ വിട്ട് വീഴ്ച ചെയ്തിട്ടില്ലെന്നും ഈഗര്‍ പറയുന്നു. തന്നെ ഇതിലേക്ക് വലിച്ചിഴക്കാനായി മെസേജുകളിലൂടെയും കാളുകളിലൂടെയും ചിലര്‍ ശ്രമിച്ചിരുന്നെങ്കിലും താന്‍ വഴങ്ങിയില്ലെന്നും ഈഗര്‍ പറയുന്നു.

ലണ്ടന്‍ ക്ലബില്‍ വച്ച് ഒരു ഏജന്റുമായി കൂടിക്കാഴ്ചയ്ക്ക് വിധേയമായതിന് ശേഷമാണ് തന്നോട് ആദ്യമായി വേശ്യാവൃത്തിക്ക് വിധേയയാകാന്‍ ആവശ്യപ്പെട്ടിരുന്നതെന്നും അവര്‍ പറയുന്നു. അന്ന് തന്നെ ചൂഷണം ചെയ്യാനൊരുങ്ങിയ ആള്‍ തനിക്ക് നല്ലൊരു മോഡലിങ് കരിയര്‍ വാഗ്ദാനം ചെയ്തിരുന്നുവെന്നും ഈഗര്‍ പറയുന്നു.

തന്നോട് സെക്‌സ് ചെയ്യാനായി ആവശ്യപ്പെട്ട് സമീപിച്ച കമ്പനിയുടെ പാര്‍ട്ണര്‍ ക്ലൈന്റായി പ്രവര്‍ത്തിക്കുന്ന നിരവധി പ്രമുഖ മോഡലിങ് ഏജന്‍സികളുണ്ടെന്നും ഈഗര്‍ പറയുന്നു. എന്നാല്‍ താന്‍ ഈ ആവശ്യം നിഷേധിക്കുകായിരുന്നുവെന്നും യുവതി പറയുന്നു. അധികം വൈകാതെ ജോര്‍ജ് എന്ന പേരിലുള്ള ഒരാള്‍ തന്നെ സമീപിപ്പിക്കുകയും ഒരു പ്രമുഖ നടനൊപ്പം പ്രൈവറ്റ് ഡിന്നര്‍ കഴിക്കാന്‍ ആവശ്യപ്പെടുകയുമായിരുന്നുവെന്നും ഈഗര്‍ പറയുന്നു. താന്‍ മോഡലാണെന്നും എസ്‌കോര്‍ട്ടല്ലെന്നും അയാളോട് പറഞ്ഞപ്പോള്‍ ഇത് ഈ വ്യവസാത്തില്‍ സര്‍വസാധാരണമാണെന്നാണ് അയാള്‍ മറുപടി പറഞ്ഞെന്നും ഈഗര്‍ വെളിപ്പെടുത്തുന്നു.