ചൈനയില്‍ മണ്ണിടിച്ചിലിനെ തുടര്‍ന്ന് മരിച്ചവരുടെ എണ്ണം 30 ആയി. തെക്കന്‍ ചൈനയിലാണ് നിരവധി പേരുടെ മരണത്തിന് കാരണമായ മണ്ണിടിച്ചിലുണ്ടായത്. ശക്തമായ മഴയെതുടര്‍ന്നാണ് മണ്ണിടിച്ചിലുണ്ടായത്. സംഭവത്തില്‍ നിരവധിപേരെ കാണാതാവുകയും ചെയ്തിട്ടുണ്ട്.

കഴിഞ്ഞദിവസമാണ് നിരവധിപേരുടെ മരണത്തിന് കാരണമായ മണ്ണിടിച്ചില്‍ ചൈനയുടെ തെക്കന്‍ ഭാഗത്ത് ഉണ്ടായത്. ഇരുന്നൂറ് മീറ്റര്‍ ഉയരത്തില്‍ നിന്നാണ് മണ്ണിടിച്ചിലുണ്ടായത്. പാറക്കൂട്ടങ്ങള്‍ അടക്കമാണ് വീടുകളുടെ മുകളിലേക്കും മറ്റും വീണത്.

മണ്ണിടിച്ചിലിനെ തുടര്‍ന്ന് നിരവധിപേരെ കാണാതായതായും പ്രാദേശിക ഭരണകൂടം അറിയിച്ചു. ഇവര്‍ക്ക് വേണ്ടിയുള്ള തെരച്ചിലിനായി ദുരന്തനിവാരണ സേനയുടെ സഹായവും അധികൃര്‍ തേടിയിട്ടുണ്ട്. മൂന്ന്ഘട്ടങ്ങളിലായാണ് മണ്ണിടിച്ചിലുണ്ടായതെന്ന് സുരക്ഷാവിഭാഗം അറയിച്ചു.

ദുരന്തബാധിത പ്രദേശത്ത ആളുകളെ മാറ്റിപാര്‍പ്പിക്കാനള്ള സംവിധാനം ഒരുക്കിയതായി അധികൃതര്‍ പറഞ്ഞു. ശക്തമായ മഴയെ തുടര്‍ന്ന് പ്രദേശത്ത് വൈദ്യുതി ബന്ധം ഉള്‍പ്പെടെ താറുമാറായി. ജൂലൈയിലുണ്ടായ മണ്ണിടിച്ചിലില്‍ 63 പേരാണ് മരിച്ചത്. ലക്ഷക്കണക്കിന് ആളുകളെ ദുരിതം ബാധിക്കുകയും ചെയ്തു.