ഉത്തരകൊറിയയിൽ ശക്തമായ ഭൂചലനമുണ്ടായെന്ന് റിപ്പോർട്ട്. റിക്ടർ സ്കെയിലിൽ 6.3 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്നാണ് ഉത്തരകൊറിയൻ കാലാവസ്ഥാ പഠന കേന്ദ്രം വ്യക്തമാക്കിയത്. എന്നാൽ, ഇത് ദക്ഷിണകൊറിയ തള്ളി. ലോകജനതയുടെ എതിർപ്പ് അവഗണിച്ച് ഉത്തര കൊറിയ വീണ്ടുും ആണവായുധ പരീക്ഷണം നടത്തിട്ടുണ്ടാകാമെന്നും ഇതിന്‍റെ പ്രകമ്പനമാകാം അനുഭവപ്പെട്ടതെന്നും ദക്ഷിണ കൊറിയ വ്യക്തമാക്കി.

പത്ത് കിലോമീറ്റർ ചുറ്റളവിൽ പ്രകമ്പനം അനുഭവപ്പെട്ടെന്നാണ് വിവരങ്ങൾ. നേരത്തെ, ഹൈഡ്രജൻ ബോംബ്​ ഉൾപ്പടെയുള്ള കൂടുതൽ വിനാശകരമായ ആയുധങ്ങൾ വഹിക്കാൻ ശേഷിയുള്ള മിസൈൽ വികസിപ്പിച്ചെടുത്തെന്ന അവകാശവാദവുമായി ഉത്തരകൊറിയ രംഗത്തെത്തിയിരുന്നു.