ക്യൂബന്‍ തലസ്ഥാനമായ ഹവാനയിലെ എംബസി പൂട്ടാന്‍ യുഎസ് ആലോചിക്കുന്നു. ഇക്കാര്യം ഡോണള്‍ഡ് ട്രംപ് ഭരണകൂടത്തിന്റെ പരിഗണനയിലുണ്ടെന്ന് യുഎസ് സ്‌റ്റേറ്റ് സെക്രട്ടറി റെക്‌സ് ടില്ലേഴ്‌സണ്‍ പറഞ്ഞു. എംബസിയിലെ നയതന്ത്രജ്ഞര്‍ക്കു ദുരൂഹമായ നിലയില്‍ ആരോഗ്യപ്രശ്‌നങ്ങളുണ്ടായതാണ് നടപടിക്ക് കാരണം.

ഹവാനയില്‍ ജോലിക്കെത്തിയ നയതന്ത്രജ്ഞര്‍ക്ക് നേരെ ക്യൂബ മനഃപൂര്‍വം സോണിക് ഡിവൈസ് ഉപയോഗിച്ച് ആരോഗ്യപ്രശ്‌നങ്ങള്‍ ഉണ്ടാക്കിയതായി യുഎസ് ആരോപിച്ചിരുന്നു. നയതന്ത്രജ്ഞര്‍ക്കു ആരോഗ്യപ്രശ്‌നങ്ങളുണ്ടായത് ഗൗരവകരമായ കാര്യമാണെന്ന് ടില്ലേഴ്‌സണ്‍ ചൂണ്ടിക്കാട്ടി.