മഹാത്മാവിനെ പിന്തുടരുക... ഗാന്ധിജയന്തി ആഘോഷിക്കാന് നെതര്ലന്സ് സര്ക്കാര്
ഗാന്ധിജയന്തി ആഘോഷിക്കാന് യൂറോപ്യന് രാജ്യമായ നെതര്ലാന്സ് സര്ക്കാര് ഒരുങ്ങുന്നു.മഹാത്മാവിനെ പിന്തുടരുക എന്ന മുദ്രാവാക്യവുമായാണ് ആയിരക്കണക്കിന് പേര് അണിനിരക്കുന്ന പരിപാടികള് ഒക്ടോബര് ഒന്നിനും രണ്ടിനും നടക്കും. ജന്മദിനവാര്ഷികത്തിന്റെ ഭാഗമായി നിരവധി പരിപാടികളാണ് നെതര്ലെന്സ് സര്ക്കാര് പദ്ധതിയിടുന്നത്.
പ്രശസ്തമായ പീസ് പാലസ് മുതല് ഗ്രോട്ടെ കെര്ക്ക് വരെ ഒക്ടോബര് ഒന്നിന് സമാധാന പ്രകടനം നടത്തും. ഇതിന് ശേഷം ഗാന്ധിയുടെ ജീവിതം തിരശ്ശീലയില് എത്തുന്ന സത്യാഗ്രഹ എന്ന ഒപ്പേറയിലെ ചില ഭാഗങ്ങളും അവതരിപ്പിക്കും. 'ഗാന്ധി: ആന് ഇലസ്ട്രേറ്റഡ് ബയോഗ്രഫി' എന്ന ഡച്ച് പുസ്തകത്തിന്റെ പ്രകാശനവും ചടങ്ങിനോടനുബന്ധിച്ച് ഉണ്ടാകും.
മഹാത്മാ ഗാന്ധി ഉപയോഗിച്ചിരുന്ന ഒരു സൈക്കിളും ഇതോടനുബന്ധിച്ച് പ്രദര്ശനത്തിനെത്തിക്കും. ഇന്ത്യയിലെ ഗാന്ധി മെമ്മോറിയല് ട്രസ്റ്റ് നെതര്ലെന്സിന് അയച്ചുകൊടുത്തതാണിത്. ലോകത്ത് ഏറ്റവുമധികം സൈക്കിള് ഉപയോഗിക്കുന്ന രാജ്യങ്ങളിലൊന്നാണ് നെതര്ലെന്സ്. ചടങ്ങില് നെതര്ലന്ഡ്സിലെ ഇന്ത്യന് അംബാസഡര് വേണു രാജാമണിയും പങ്കെടുക്കും.
https://www.facebook.com/Malayalivartha
